Тууль. Кезәнә нег залу бәәҗ. Эн залу әмтиг наад бәрәд, худл келәд йовдг бәәҗ. Нег дәкче залу хотна гермүдәр гүүгәд орчкад хәәкрнә: Ай, яй тадн таварн гертән суунат, а кере йовсн хөсиг чон тараһад таслад хайҗана. Әмтн керәкшән гүүльдәд йовад , худлынь медв. Тер залу үктлән инәвә, әмт мекльсндән. Нег дәкче залу дәкәд хотар гүҗ ирәд хәәкрнә: Тадн санамр гертән суунат, кере йовсн үкр малытн хулхалад тууһад авад йовҗоче. Дәкәд әмтн керәкщән йовад худлынь медв. Залу әмтиг мекльсндән тачкнҗаһад инәнә. Нә тигәд цуһар бәәлднә. Хавр ирв. Хотна улс өвс хадхар теегд гарад йовна. Худл кельдг залу хаша дотран толһа- шире гал шатаһад шарна. Генткн салькн үләһәд гал икәр дельсәд гертнь күрвә. Гер шатва. Залу ухаган алдад керәкщән гүҗ ирв: Ай, яй мини гер шатчана, намд нөкд болтн гиҗ залу ульна. Хотна улс дәкәд худл кельҗәна гиһәд, көдлмщән кеегәд бәәв. Үлгүрнь: Худл кельхлә, кү наад бәәрхлә, бийярчнь гархе!