40 – Дөчтә — күдр насн гиҗәнә, энтн хамгин чидлтә цаг. Дөч күртл сурһуль сурад авчкх кергтә, эрдм-сурһульта болх болн гер-бүл тогтах кергтә;
50- Тәвтә — haл насн (дунд, җирһлин дундк), һал насан өңгәр бичә давултн – нань иим цаг үзгдшго;
60 – Җиртә – җирлзәд (благополучный) бәәдг насн;
65 – Җирн тавта — җилвкәд (мелькать) бәәдг насн, хая-нег энд-тенд җилвкәд йовдг насн;
70 – Далта — далдглад (прятаться, избегать людей) бәәдг насн;
75 – Далн тавта — төвкнүлдг (успокаиваться) насн;
80 – Найта — нәәхлүлдг (качаться из стороны в сторону) насн, нааран-цааран нәәхләд йовдг цаг, көл деерән бат зогсдго;
85 – Найн тавта — нилхлүлдг (возвращаться в детство) насн, бичкн беебя болҗ оддг цаг, толһан экн шиңгрәд (деменция), тегәд эн наснд арһарн тәмр (спорт) кеһәд, һазадын кел дасад бәәхм болҗана – мел дигтә хальмг келән улм гүүнрүлдг цаг, ачнртан хальмг келнә орчн (среда) бүрдәдг цаг;
90 – Йиртә — йиртгдәд (становиться кротким, безобидным, благодушным, умиротворенным) оддг цаг, азд чигн улс ииим насндан йиртгдчн;
95 – Йирн тавта — темтргдәд (ходить наощупь) оддг цаг, нег-неган мууһар таньдг насн – эврәннь эмгн талан өөрдәд ирчкәд: «Эээ, Болха, чи билчи?!»…
100 – Зу күрхлә — зууньрхад (тагчк бәәдг) оддг цаг, тагчкрад, болһамҗтаһар кииһән авдг цаг.