Гурвн мана хальмг залус: негнь дөрвүд, хойрдгчнь торһуд, гурвдгчнь бузав Элст балһсар гулядлад йовна. Теднә өмн сәәхн зүстә, эвтәкн цогста күүкн йовна. Дөрвүд залу келнә: Намаг эн күүкн хәләгәд күүндхлә, би бәәсн малан хулдад, мөнгәрн сурсн юминь авч өке биләв. Торһуд залу келнә: Би болхла теңгсд йовад улан заһс бәрәд, хар түрс кегәд, хулдад мөнгәрн сән хувц, алтн бильцг авч өке биләв. Бузав залу келнә: Намла күүндәд ду һархла би бәәсн мөнгәрн эн күүкиге айта хот удг герт авч одад сән хотар, үнтә әрк хулдҗ авад хотлх биләв. Күүкн эднә келсн үгинь соңгсад бәәнә. Генткн эргәд залустар хәләчкәд сурна: Тадн хоорндан ду һарад, намд дала юм өк саната болвта? Залус тигҗ болхинь медсн уга, тигәд келнә: Мадн хоорндан, харҗахар, йирдән күүндҗ йовнавидн.