Браузердин “Инкогнито” режими. Аны кайсы учурда колдонуу керек?

Браузердин “Инкогнито” режими. Аны кайсы учурда колдонуу керек?

Ар бир браузердин “Инкогнита” (“Жашырын”) режими бар. Анын көп пайдалуу жактары бар, бирок көбүбүз аны эч колдонбойбуз. Эң башкысы - бул режимди колдонгондо браузер силердин интернетте кылган аракеттериңерди (силер кирген сайттар тууралуу маалыматты, силер киргизген логиндерди, сырсөздөрдү) эсинде сактабайт.

Аны ачыш үчүн төмөнкү баскычтарды чогуу басыш керек: Ctrl + Shift + N, же Chrome браузеринин оң-жогору жагындагы тигинен турган 3 чекитти басып, ачылган тизмектен “Новое окно в режиме инкогнито” дегенди тандоо зарыл. Кара түстөгү “Режим инкогнита” деген барак ачылат.

Кайсы учурда бул режимди колдонуу керек:

👉 Банктын сайтындагы жеке кабинетиңерге киргенде же Интернет-капчыгыңар менен иштеп жатканда;

👉 Интернет кафеде же башканын бирөөнүн компьютеринде интернетти колдонгондо (почтага, же башка жеке аккаунтыңарга киргенде бул режимди сөзсүз колдону керек);

👉 Бир браузерде бир кызматтагы эки башка почтаңарга кирүү керек болгондо;

👉 Эгерде браузер аркылуу Whats App-ты же башка мессенджерди колдонуп жатсаңар.

❗ ЭСКЕРТҮҮ ❗ Браузерди жапканда “Инкогнита” режиминде кылган бардык аракетиңер тууралуу маалымат браузерде сакталбаганы менен силер кирген сайттарда силердин ip дарегиңер тууралуу маалымат сакталып калат. Ошондуктан бул режимди колдонсоңор эч кимге көрүнбөй калам деп ойлобогула. :-) Аны үчүн башка программалар бар.

#коопсуздук

__________________________

Рубрикалар | Канал тууралуу | “Жол VIP"ге жазылуу | Колдоо