Бәйге район мөхтәсибәте, балалар сәнгать мәктәбе белән берлектә, мәктәпкәчә һәм мәктәп яшендәге балалар өчен үткәрелде.
Идел буе Болгарында Ислам динен кабул итүнең 1100 ел тулуына багышланган чарада өч номинация буенча җиңүчеләрне ачыкладылар.
Бәйгедә Балтач, Салавыч Бөрбаш, Норма, Субаш, Карадуган, Сосна авылларының балалар бакчаларыннан һәм мәктәпләреннән 62 бала катнашты.
Йомгаклау концерт Татарстан Республикасының Баш казые, Балтач районы имам- мөхтәсибәте Җәлил хәзрәт Фазлыев, Татарстан АССРның атказанган артисты, Татарстан Республикасының халык артисты, Россия Федерациясенең югары һөнәри белем бирү мактаулы хезмәткәре, җырчы, педагог Мингол Вәгыйз улы Галиев, Рәсәй Ислам университетында педагогы, җырчы Ильяс Халиков катнашында үткәрелде.
Бәйгенең иганәчесе – Балтач үзәк мәчете.