Тиздән чыгарылыш сыйныф укучылары һәм аларның әти-әниләре өчен төп сынау – бердәм дәүләт имтиханнары җитә. Имтиханнар инде борын төбендә, уку тәмамланырга ике ай вакыт калып бара.
Бүген 11 сыйныф укучылары Балтач мәктәбе базасында сынау рәвешендә тарих, физика, биология фәннәре буенча бердәм дәүләт имтиханнары тапшыра.
Әлеге мөһим чарага район башкарма комитеты җитәкчесе Айдар Хәйретдинов та килде.
Сынау рәвешендә үтүче имтиханнарга әти-әниләр дә килгән иде. Алар да укучылар кебек үк кабинетларга кергәнче тикшерү узды.