Ишеп-ишеп ява ябалак кар,
Күк мендәрнең җебе сүтелгән.
Яздан-җәйгә,җәйдән кышка хәтле
Нинди озын юллар үтелгән.
Үртәгәндәй йөри буран, уйнап,,
Ара-тирә куя сызгырып.
Сагынам мин кышын пар атларның
Йөргәннәрен карны туздырып.
Хәзер инде капка төпләрендә
Җигүле ат көтми хуҗасын .
Кем уйлаган агач чаналарның
Истәлеккә генә каласын.
Кем уйлаган, сизми калырбыз, дип,
Гомерләрнең җилдәй узганын.
Уйнагандай ява ябалак кар,
Каплап озын юллар тузанын.
Альфира.