Исеме: Миннегалиева Сөмбел Нурсил кызы
Туган көне: 10.11.2003
Туган җире: Кукмара районы, Югары Арбаш авылы
“Бертуган апам журналист, әмма мин бөтенләй башка юл сайладым: быел унберенчене тәмамладым һәм медицина көллиятенә керергә җыенам” , - дипшаккаттырды безне арм-спорт белән шөгыльләнүчеСөмбел.
Кызны кул көрәше 2019 елның июль аендакызыксындыра башлый, хәтта төгәл көнен дә хәтерли язмабыз герое – 29ы! “Безнең гаиләдә апам, әти-әнием, әби-бабам, ягъни һәрберебез музыка белән кызыксына, бик матур итеп җырлый. Үзем дә берникадәр җыр-моң белән шөгыльләндем. Тик сәнгать өлкәсенә кызыксынуым озакка бармады, спортны сайларга булдым! Башта бокска бармакчыидем, әмма тормыш үзе хәл итте дә куйды! Әтием белән Җөридә узган Питрау бәйрәмендәГабдрахманова Рүзия Мансур кызының кулкөрәштерүен күреп, бик гаҗәпләндем, шунда ук аның белән таныштым һәм тренировкаларга йөрергә рөхсәт алдым”,- дип сөйли Сөмбел арм-спорт белән кызыксына башлавы хакында.
Бүгенге көндә язмабыз герое кул көрәше белән профессиональ рәвештә шөгыльләнә. Төрле ярышларда ирешкән уңышлары да байтак. Мәсәлән,Кукмарада районкүләм үткәрелгән ярышларның һәрберсендә беренче яки икенче урыннар, Теләче, Саба, Чистай, Яр Чаллы кебек район-шәһәрләрдә алдынгы урыннар алу моның ачык мисалыдыр. “Үзебезнең районда бер тапкыр да өченче урынгакалганым юк. Ә икенче урын алган очракта, йә кулымны авырттырам, йә тагын берәр җиремне имгәтәм, беренчелекне яулау гына килешә миңа(елмая). 2019 елда исә беренче тапкыр Татарстан беренчелегендә үземне сынап карадым. 60 кг үлчәү авырлыгында өченче урында калдым. Шул ук елныАлабугада да өченче урынны яуладым. Шулай итепТатарстан беренчелегендә бакыр призер исеменә лаек булдым. Әлеге исемне алгач, 2 атна эчендә тагын да каты әзерләнеп, Идел Федераль округында да бронзага лаек дип табылдым. Хәзерге исә ноябрьдә буласы Татарстан беренчелегенә әзерләнәм”, - дипуңышлары белән бүлеште Сөмбел.
- Арм-спортта иң мөһиме нәрсә?
- Беренче чиратта, көч. Шулай ук даимилек, кимендә ике көнгә бер булса да шөгыльләнеп алу мәҗбүри дипсаныйм. Үземнең максатым исә көн саен аз-азлапбулса да тренировка ясау: бармак, кул, арка мускулларын чыныктыру! Тагын бер мөһим әйбер – техника, һәр спортчының ул үзенеке.
- Сөмбел, кумирың бармы?
- Әйе, Мәскәү өлкәсеннән булган Ирина Гладкаяныүзем өчен үрнәк итеп куям. Әлеге шәхескә сокланам! Аның Инстаграм-диварын көн саен күзәтеп барам, яңа күнегүләрен, фотосурәтләрен даими карап торам. Россия беренчелегендә аның белән күрешеп, сөйләшү мөмкинлеге дә тәтеде миңа! Чын мәгънәсендә хөрмәт итәм әлеге спортчыны!
- Кызларның кул көрәштерүенә тискәре караучылар да бар... Кыз кешегә көчле булукилешәме?
- Әйе, бу төр спорт белән кызлар шөгыльләнгәнгә тискәре караучылар юк түгел. Мәсәлән, әнием дә баштарак каршы иде, ләкин вакытлар узу белән минем уңышларымны күргәч, ул инде күнде һәм әлеге кызыксынуыма каршы килми башлады. Минемчә, һәркыз бала көчле булырга тиеш, үз-үзен яклау өчен, мәсәлән! Үземнең балаларымны, кыз яки малайбулуларына карамастан, Алла боерса, кул көрәшенә бирермен дип ниятлим. Чөнки әлеге спорт төренә үлеп гашыйкмын!
- Киләчәккә нинди максатларың бар?
- Беренче чиратта, арм-спорт буенча дөнья чемпионы буласым килә, моның өчен мин бер урында туктапкалмыйча, алга таба барырга тырышачакмын! Бу бәлки балаларча яңгырар, әмма дөньядагы иң көчле кешеләр рәтенә керү теләгем дә бар минем (көлә). Һөнәрем буенча лаеклы хирург булырга хыялланам, Алла боерса!
Дуслар, Сөмбел турында кызыклы факт: кыз ир-затларыбыз эшли торган катлаулы эшләрне күбрәк ярата! Дуслары арасында да күбрәк егетләр өстенлек итә. “Кыз кешеләр чын дус була алмыйдыр ул” ди язмабыз герое шаяртып. Ә без исә Сөмбелгә киләсе спорт ярышларында уңышлар һәм җиңүләр генә теләп калабыз. Куйган максатларыңа ирешергә, сине “дөнья чемпионы” дигән лаеклы исемдә күрергә насыйп булсын!
Илүзә Касыймова