Либле бужиб саб ухъна бал юхъна
Са ухьулла лумиб х!ир бихул
Харабзиб чула хъал я бишбумккул
Дурусле г!ябц!ал дусбал г!яб дус
Ухъна баликъе дусул юхънадиль пала удул
Лаккабакьибсав йидиль ухьуцце бяликъля ппав
Ухьулла кьайле бициб биних!якьун бужибсаб
Квигнебилли лак!бидакьибсав йидиль
Къумле бициб сякьунсаб
Г!ягнебилли лак!бидакьибсав сабачибсаб са бялихъ
Либгьизиб бужиблясаб - муте асле бищибзиб
Ухънацце бук!ибсаб ей инсанна т!амалцциля
Батагъаба бук!улсаб улккад ухъна, ухьуцце
Итти биккузиб багьа гьаччиля кьанну дудиль
Ук!ухъунсан на ухъна, ук!ухъун ухуччибсав
Г!ябцал дусбале г!яб дус ухьулла лумив ливле
Бялихъ гъай бук!ул дамми бакьибзив ада налла
Иль гьаибжиля бялихъ батагъиьсав ухьуцце
Паксиб гъай я бишгьаиб
Саламатбикье уртахъ багьа я бажилясаб
Букьин иля агьлулщу чиппухул бухилялну
Чара либаква на хъиль чарвидухубсав ухъна
Хъалта кежибзий юхънай бялихъля хабар бекъиб
Валлагь ук!улсав, иял цацциб бялихъ бусадкьал
Муте асле бищибзиб ниссиля кубле пакле
Гъай бук!и я бак!узиб
Батагъаба диля хъиль итти багьа аччилян
Бук!ул, тиляде бакьай
.Сибиччиль гьаччи дамми рази бихулде валлагь
Ваабала такабиццул батагъиб бидагахъад
Синна тухум агьлулщу,
На юхъна гьаяхибсай
Идиттазив йитазив абдал мацца ужибде
Иль бялихъ бусибжиля
Цизиб кьям илляй нисси сабалчий ухахатти
Ниссиля бекьиб кьанну
Бик! х!ярткабакьиб ухъна гьаттагулсав ухьулщу
Бахккубсав йили ухьу бара юккукке чилле
Вякабечибсав йидиль бялихъли ухубатте
Сякьунсаб бяликь, ухъна, се ажину, се бухин
Дицциль катталла итти сечу бажизиб либди?
Къугьтакабакьибзиб бик! ахътеабакьий ускул
Укулсав бялихъицце улккад х!яси бихмехут
Юхънадиль ваатулада паргъатдихь бикуласаб
;Бялихъицциль ц!изиб кьям сабалчи укьин юк!ул
нисиля бекьиб кьанну
Бик! чибекунсай, диля
Мутилля бялихъидиль бакьибсаб ихи жаваб
Ацце пашман вихмехут, чарвидухе иля хъиль
Юхъна я разиякьа, бухилялсаб ищи кьям
Чарвидухубсав ухъна, бялихъ бук!узиб бакьиб
Цизиб кьям я кабищиб, гъур юк!ул кежиб юхъна
Агь дуналцив къайсарзив инсан ливле вихубле
Буккин бакьи хъал либи, ккуцбакьи дуна либи
Се педану кьямициль, кижи хъал аква мутиль
Укьинну бялихъищу, хъал бакьа гьаа ц!изиб
Гьаттагулсав ухьущу даххиб шин я ухьу либ
Луме киццул балихъли вякабеч!иб йидиль
:Сякьунсаб бяликь, ухъна, се ажину, се бухин
Дицциль катталла итти сечу бажизиб либди
Бик! ахътегьабакьаквит ужибсав бялихъицце
Х!яси бихмехут улк!ад каде гьаяххе хьунул
Диля бик! чибукунсай хъал бичче юк!ай кена
Се бакьидаиль ахху
Гьаибсаб бялихъидиль, ацце пашман вихмехут
Чарвидухе юхънащу бухилялсаб ищи хъал
Чарвидухубсав ухъна синна хараб хъаллищу
Вагь ук!ул ук!ухъун сав
Харабзиб хъалла мусса, кабицул букьязиб хъал
Цуб къакъалла бакьибзиб цуб михле чикабтунзиб
Уццадигалтай юхъна, ухънай квильчикаигул
Агь иттазив йитазив бик!ле г!якьвле аквазив
Нахе бихвава удиль бялихъицциль сабулчун
:Чарвидухину гьаре бялихъицце гъай букъа
Талхъанна хьунул дикьле кежи биккулсай гьаа
Чарвидухубсав ухъна, сагъибсав ей ухьулщу
Юккуккадиль чибициб баччибсав хьацциб ухьу
Вякабечибсав йидиль бялихъли ухубатте
Сякьунсаб бяликь, ухъна, се ажину, се бухин
Дицциль катталла итти сечу бажизиб либи
Бик! я къугьтакабакьиб ухъна укибсав ильце
Х!яси бихмехут улк!ад сухъкад сякьи чибукъе
Бик!ле паргъатдихь аквал юхънадиль ватсаттагъай,
Йикьулясай гъур юкул
Талхъанна хьунул дикьле кежи биккул да юк!ай
Гьаибсаб бялихълидиль, ацце пикре ук!мак!ут
.Чарвидухе иля хъиль, яччилялде юхъная
Талхъанна хьунул дикьле кежиб пакле узданне
Чарвидухубсав ухъна бялихъле гьаиб дикьле
Вагь, се г!яламат ну ей, хвалазиб г!яб дяхля хъал
Хъалла азбарре кеццул тийле южибсай юхъна
Калханналла агвалже, эбзиб къабттан чаабехул
Хвала г!игъналла баче, хъябита такабехул
Муте асла кулухме нухъбажже чагьатехул
Дукьяжуд итин чг!укке чаатехул, бит сат яхьул
Гьегъе буццихъи хъилиб кабатул къазукъе я
.Тях!йингьаигул юхъна, дидяхан дуцца юкул
Лумвишвидахъиб ухъна, укибсав хьунуллице
Ялгьитти диля хьунул, бик-чахижий г!яхледи
К!ена к!ена бухая бичибзибли разильди
Жуваб бицци ухьтанне х!ярт кабакьиб сай сухъ няхъ
.Укьин юк!улсай дуухъе кьулляжуд аванажи
Са ккае бидагулсаб, квиибилли кабчибсаб
Каде чийимччул юхъна адамилий юмциб сай
Вякабечиб сакахъиб, адамильцце юкибсай
Бялихъищу укьинну, букъа сакад диля гъай
,Талхъанна хьунул дикьле кежи бит!ад юк!улсай
Пачала хьунуллажуд дакьи биккулсай сай гьаа
Укьинну бялихъицце
Ухуччибсав на ухъна, я гъариб у сийк!утну
Абдал йухубди се дин, кве гъай гьаи аххазий
Пачала хьунуллажуд дакьи йихваи удиль
Либиль ще х!ях!ябукул, мискьильдиже йидищиб
Лак йиццилялде гьиба
Каде ц!ад гьаяхибсай, иль гьаибжиля юхъна
Чицце ук!утну юк!ул бяйицце бидатулсай
Ча лябкъу диль ахху у, дицце ильттад вахьузив
Укьин гьаибзиб бакьа, къазукъе чикатагъиб,
Бик! чиппахъви ливалле
Се бакьи дихьну, ухъна гьаттагулсав ухьулщу
Ухьу бугъул баччибсав, сабетибзиб хьурридиль
Луме киццул балихъли вякабеч!иб йидиль
Сякьунсаб бяликь, ухъна, се ажину, се бухин
Дицциль катталла итти сечу бажизиб либди
Бик! я къугьтакабакьиб ужибсав бялихъице
Х!яси бихмехут улк!ад циль тасицци чибукъе
Сечулла рази якьи вихулада хе юхъна
Пачала хьунул дикьле кежи биккулда юк!ай
Мутилля бялихъидиль бакьибсаб ихи жуваб
Ацце пашман вихмехут, чарвидухе иля хъиль
Пачала хьунул дикьле кегахъиля абхале
Чарвидухубсав ухъна се агаиль на укул
Бахккубсав хъалла мусса, кабицул хвала калг!я
Ц!а багниб миквла уст!ул, гьегъейидижиб юхъна
Гьегъебуцужуб улдиль буккинте саттикъихъул
Юкун юччул г!яййижиб
Къахъла гьегъе кабицул аражуб къарагулте
Нухъбяццид батне квилле викатахъиб шушкабе,
Ихте тесабгуммале ух ч!у гьуччибсав ухъна
Тавякьунсав юхъгнащу, разильди диля хьунул
Их бялихъля гьунарри, пачала хьунулдикьле
кежиб ук!е разили
Хьунул бухале йиже кьякьч!у йидит!уннасай
Хьунуллидиль бухале, ахтарде вакьиблясай
Гьаре диля улбатал хе теукъа юк!улсай,
гьехибжуб къаргултацце
Тасякьун къаргултаддиль, къатта винигьищиб сав
Гьиба кад сакьин бук!ул, тях!бинабжиб веч!ибсав
Гьиба кад сакьуттеле бик!ицце батта букул
Тях!бинабжиб вечибсав
Чукур бичиб къаттабжуб ули иль тевидигун
Гьара ухънай диче ква буккул х!ях!я букибсаб
Турагъа, саба буккул, ватааква салте букул
Са ккае бидагулсаб, квиибилли кабчибсаб
Се гьантабдичибдиль юхъна ц!иль аяхибсай
Адаме высакахъи циль уй батбидагъибсай
Бякьун ваччиб висачиб, юхънащу каттагъибсаб
Юк!иб сай к!ена юхъна укьинну балихъищу
диля гъай чибдагъахъа
Пачала хьунулли я сечу г!яхсиб либаква
К!ена ажи биккулда либиль дуналла хвалель
Ухьуций г!ир йихвилля, бялихъ гьегъебуццихъул
Диля дикьу г!яххумяд итту ян батбидигъул
Викьиб г!яхсаб на укул баг!навищиб сав ухъна
Бялихъ хибзиб ухьущу гьаттагулсав лянк! ук!ул
Хвала юккуккад бугъул тибле бужибсаб ухьу
Юккуккалла рамчидиль гъайля тама бикьекьул
Вякабеч!ибсав йидиль бялихъли ухубатте
Сякьунсаб бяликь, ухъна, се ажину, се бухин
Дицциль катталла итти сечу бажизиб либди
:Къугьтакабакьибзиб бик! ахътеабакьий ускул
Укулсав бялихъицце улккад х!яси бихмехут
Сина калимадугну, диля юхъна хьунулла
бикле паргъатле кежий пикре типпухибляда
Пачала хьунулдикьле кежи абичче юк!ай
Дуналла хвалель якьиб кетаба юк!ай удиль
Ухьуция х!ирйихви, у къазахъли буццихъул
Синна бажи г!яхили чинак!ал батбидигъул
Сечу жубаб бакьаквит, куме я х!ярт кабакьиб
Гьаттагулсаб чарбухуб ухьуцце к!ена бялхъ
Дахъе киццул ужибсав ухьулла лумив ухъна
Бялихъ чарсабихуиль
Чарсабхубласаб бялихъ, гьаттагулсав хъиль сав я
Сахъибсав синна мусса, вагь дуналла г!ялямат
Либалаква ква ккг!ялг!а
Итту яне кьякь вит!ун, тебидильгунсаб йили
Сибталлазиб хараб хъал, хъалта лг!ак йиццул юхъна
Букьзиб, бахъубзиб, кьямъя т!юмята такабищиб