• А ‒ I первая буква кабардино-черкесского алфавита; адыгэ алфавитым и япэ хьэрф.
• А ‒ II местоимение, указательная частица ‒ тот, та, то; этот, эта, это (указывает на предмет, далёкий или невидимый говорящему). А щIалэр фIыуэ йоджэ ‒ этот юноша хорошо учится.
• А ‒ III междометие ‒ 1) выражает припоминание, удивление, догадку; 2) выражает узнавание; 3) выражает неуважение, пренебрежение говорящего по отношению к предмету разговора.
• Абазэ (абазэхэр) ‒ абазин, абазинка (абазины). Къэрэшей-Шэрджэсыр зи хэку лъэпкъхэм ящыщ (бзэкIэ нэхъ зи гъунэгъур абхъазхэр, адыгэхэр, убыххэр арщ), а лъэпкъым щыщ цIыху. Зэгуэрым къуажэм абазэ хьэщIэ къахуэкIуэну пэплъэрт. ◊ Абазэ шатэ ‒ абазинская густая сметана. КIэщIэнэ зимыIэ шатэ Iув. ◊ Абазэкхъуей ‒ бот. просвирник мавританский (Маlvа mаuritiana). Удз лъэпкъ (и пкъыр захуэу докIуей, и тхьэмпэхэр хуэхъурейщ, гъатхэми гъэмахуэми шэкъафэу мэгъагъэ, жылэ къищIхэр матэкхъуейм ещхьщ) хьэбыкъуэ. ◊ Адыгэбзэ умыщIэм, абазэм еупщI, жаIэ адыгэхэм ‒ если не знаешь адыгского (кабардино-черкесского) языка, спроси абазина.
• Абазэхэ (абазэхэр) ‒ абадзехи (одна из адыгейских этнических групп). Адыгейр зи хэку лъэпкъхэм языхэз, а лъэпкъым щыщ цIыху. ◊ Кавказ къуршым и къырыщхьэ дыдэм абазэхэхэр щыпсэурт. (Нэгумэ Шорэ). ◊ Абазэхэхэр курыт лIэщIыгъуэхэм адыгэ лъэпкъхэм я нэхъ инхэм ящыщ зыуэ дыщытащ, иджы адыгейкIэ дызэджэхэм хыхьэ зы гупщ. Абазэхэ адыгэхэр нобэ куэд дыхъужыркъым. Дэ дыщопсэу Адыгей Республикэм хыхьэ Хэкуринэхьэблэ, Мамхэгъ жылэхэм. 1901 гъэм абазэхэ адыгэу Кубань областым къинэжар цIыху мини 5-м щIигъуртэкъым.
• Абэ ‒ устар. верхняя одежда в виде ризы у мусульманских священнослужителей. Теубгъуа щIыкIэу муслъымэн динщIакIуэхэм ящыгъыу щыта щыгъын щIыIутелъ.
• Абгъуауэ ‒ абгъуауэ хъун (щIын) ‒ 1) окрепнуть, опериться (о птенцах) ‒ бзу шырхэр абгъуэм щис зэман; 2) переносное: нежиться в постели (о ребёнке) ‒ сабийм жейкIэ зигъэнщIын, пIэм гу щихуэн. ◊ А цIыкIур щIэгъыр абгъуауэ имыщI щIыкIэ къагъэтэджащи аращ.
• Абгъуэ ‒ гнездо. Къуалэбзухэр, джэдкъазхэр щыкIэцI, щыгъуалъхьэ, шырхэр къыщраш кумбыгъэ, егъэзыпIэ. ◊ Из Адыгской Википедии: «ТеплъэкӀи, щӀыкӀэкӀи, къызыхахкӀи, уаздыпэщӀэхуэ щӀыпӀэкӀи хуабжьу зэщхьэщокӀ. КъызэрыкӀуэщ джэд хэкӀыгъуэ лӀэужьыгъуэхэм ящӀыр: кумб чэнжым и лъащӀэм щӀэдзын мащӀэ илъу аращ. БанэщӀэжым ейр топым хуэдэу зэпэхъуреибзэщ, ихьэпӀэр ибгъумкӀэ щыӀэу. ПцӀащхъуэм ятӀэр и ӀупсымкӀэ зэкӀэришхэурэ абгъуэр еухуэ. Ипщэ Азиэм щыпсэу хьэпцӀащхъуэ лӀэужьыгъуэхэм ейр зэрыщыту хьэуам щыдия Ӏупс къабзэщ, цӀыхухэм яфӀэфӀу яупщэфӀри яшх». ◊ Ещё одна цитата из Адыгской Википедии: «Тропик къуалэбзу щхьэхухэм я абгъуэхэр гуп-гупу зэхэту ящӀ, ауэ нэхъыбэм яйр зэпэщхьэхуэщ. ЗэмылӀэужьыгъуэ къуалэбзухэм я абгъуэхэр зэгъунэгъуу щащӀыр зэзэмызэ дыдэщ. ЩыӀэщ нэгъуэщӀ псэущхьэхэм я гъуэхэр абгъуэ папщӀэу къэзгъэщхьэпэр (бжьэндэхъугъуэжь, бжьэшх, бабыщхэр). Абгъуэ ящӀыркъым, къапщтэм, Аустралиэм щыӀэ джэд лӀэужьыгъуэ Ӏэл гуэрэхэм — пшахъуэм, е къэкӀыгъэ, пщӀащэ зэхэфыхьам хокӀацӀэри абыкӀэ я абгъуэ щӀынри, гъуэлъхьэжьынри, къишынри зэфӀокӀ. ЩоджнцӀыкӀу Алий мы жыӀэкӀэм щӀагъыбзэ щӀилъхьащ социал (псэупӀэ, быдапӀэ, хъухъумэт) мыхьэна иритри: Маржэ, бэ иныр фыхъейхи, Пщыхэм я абгъуэр ткъутэнщ».
• Абгъуэрынэ ‒ подкладь, подкладень (яйцо, подкладываемое в гнездо, чтобы курица неслась в определённом месте). Джэдкъазыр абгъуэм щыкIэцIу есэн папщIэ, абы къранэ джэдыкIэ. ◊ Абгъуэрынэу зы джэдыкIэ абгъуэм къинэн.
• Абдеж ‒ наречие ‒ 1) там; 2) в это время, с того времени, с той минуты, тогда. ◊ Абдеж ущымыту къыдыхьи тӀыс ‒ Не стой там, заходи и садись. ◊ Абдеж щылъ джыдэр къащтэ ‒ Возьми топор, который лежит там.
• Абдж ‒ 1) стекло, стеклянный; 2) фаянс, фаянсовый; 3) бутылка. 1. Узэпхрыплъ хъууэ пшахъуэ гъэткӀуам къыхэщӀыкӀа пкъыгъуэ (щхьэгъубжэнэу халъхьэ, хьэкъущыкъу къыхащӀыкӀ, нэгъуэщӀуи къагъэсэбэп). 2. ЯтӀэ хужь лъэпкъыфӀхэм къыхагъэжыкӀ пкъыгъуэ (тепщэч, фалъэ, нэгъуэщӀ хьэкъущыкъу къыхащӀыкӀ). 3. ПтулъкӀэ; птулъкӀэмрэ итымрэ. ◊ Абдж гъэвэн ‒ варить стекло. ◊ Абдж ӀупщӀэ ‒ кусок, осколок стекла. ◊ Щхьэгъубжэм хэлъ абджыр къутащ ‒ оконное стекло сломалось. ◊ Абдж тепщэч ‒ фарфоровая (фаянсовая) тарелка. ◊ Абдж хьэкъущыкъу ‒ фарфоровая (фаянсовая) посуда. ◊ Псы абдж ‒ стеклянная бутылка.
• Абджхэлъхьэ ‒ стекольщик. Абдж хэлъхьэныр зи IэщIагъэ.
• Абджыбз ‒ стеклорез (инструмент). Абдж зэрабз, зэрызэпаупщӀ Ӏэмэпсымэ.
• Абджынэ ‒ 1) оконное стекло; 2) проём для стекла в раме. 1. Щхьэгъубжэм хэлъ абдж ӀупщӀэ. 2. Рамэм щыщу абджыр зрагъэувэ гъуанэ. ◊ Джэдур абджынэм ипщащ ‒ кошка выпрыгнула через окно.
• Абджыпс ‒ 1) тонкий, прозрачный (о стекле); 2) полностью застеклённый. 1. УщызэкӀэщӀэплъу пӀащӀэу абдж къабзэ. 2. Абдж защӀэ, абдж зэфэзэщ, абдж куэд зыхэлъ. ◊ Абджыпс хьэкъущыкъу ‒ посуда из прозрачного стекла.
• Аби (абыжми, абыми) ‒ и (соединяет определённые временные формы глагола). Глаголым и зэман формэ хэхахэр зэзыпх союз. ◊ ЩӀалэр шым мэшэс аби докӀ ‒ парень садится на лошадь и едет. ◊ Шэр ягъэпщтынщ аби зэрадзынщ ‒ молоко вскипятят, а затем заквасят.
• Абрагъуэ ‒ огромный, очень большой. Ин дыдэ. ◊ Унэ абрагъуэ ‒ огромный дом. ◊ Жыг абрагъуэ ‒ огромное дерево. ◊ Къытщхьэщыт уэгум и инагъыр къэзыгъэлъагъуэщ – весь небосвод.
• Абрэдж ‒ абрек. Щхьэусыгъуэ гуэркӀэ зыщыщ цӀыхухэм къахэкӀарэ защиугъуейуэ губгъуэм ит цӀыхухъу. ◊ Абрэджу ежьэжын ‒ присоединиться к абрекам.
• Абрэмывэ ‒ 1) огромный, тяжёлый камень (в адыгском фольклоре); 2) что-л. очень тяжёлое. 1. Мывэ ин, зэрамыщӀэж, мывэ хьэлъэ дыдэ (адыгэ таурыхъхэм уащыхуозэ). 2. Егъэлеяуэ хьэлъэ гуэрым щхьэкӀэ жаӀэ. ◊ «Абрэмыви мыр», ‒ жиӀэурэ щӀалэм къэпыр къиӀэтащ ‒ «Настоящий адыгский камень», ‒ сказал парень и поднял мешок.
• Абхъаз – азгъэ (абхъазхэр ‒ азгъэхэр) ‒ абхаз (абхазец), абхазка; абхазы (абхазцы). Абхъаз Республикэр зи хэку лъэпкъ, а лъэпкъым щыщ цӀыху (бзэкӀэ нэхъ зи гъунэгъур абазэхэр, адыгэхэр, убыххэр арщ).
• Абы ‒ личн. мест. он, она, оно. Эргативнэ падежым ит ещанэ щхьэ къэзыгъэлъагъуэ цӀэпапщӀэ. ◊ Абы мыӀэрысэр ишхащ ‒ он(а) съел(а) яблоко. Примеры использования: Абы адэкIэ ‒ далее, кроме того. Абы деж ‒ после того. Абы ещхьу ‒ подобно тому. Абы ищIыIужкIэ ‒ вдобавок к этому, сверх всего. Абы къимыдэкIэ ‒ к тому же, кроме того. Абы къыкIэлъыкIуэу ‒ после, затем. Абы къыхэкIкIэ ‒ поэтому. Абы лъандэрэ ‒ с тех пор. Абы нэхъ хэмылъмэ... ‒ если всё дело в том... Абы нэхърэ ‒ более того. Абы нэхъей ‒ подобно тому. Абы фIэкIа ‒ кроме кого-чего-л. Абы хэту ‒ тем временем. Абы хуэдэ ‒ такой. Абы щхьэкIэ ‒ поэтому, для этого, из-за этого. Абы щыгъуэ ‒ тогда, в то время, в тот или иной момент в прошлом и будущем. Абы щIыгъуу ‒ вместе с этим, вместе с тем. Абы и Iуэху щхьэхуэщ ‒ это другое дело.
• Абыкъу ‒ разновидность кабардинской породы лошадей. Адыгэхэм яш лъэпкъыфӀхэм языхэз, икъукӀэ жэру.
• Агъэ ‒ агъэ жыIэн (щIын) ‒ агукать (о ребёнке).
• Агъэбыгъэ ‒ агъэбыгъэ хъун ‒ начать агукать (о ребёнке).
• Агъэн ‒ устар. разновидность кабардинской породы лошадей. Адыгэш лъэпкъ.
• Агъзэрагъыж ‒ 1) яростный, грозный, суровый; 2) неукротимый. 1. Егъэлеяуэ губжь, хьэтыр, гущӀэгъу зыхэмылъ; пхъашэ. 2. ӀэубыдыпӀэншэ, гъэӀурыщӀэгъуей.
• Адакъэ ‒ петух. Джэдхэм яхэт хъу. ◊ Адакъэ лъэджажэ ‒ о невзрачном низкорослом человеке, который претендует на солидность (букв. петух со шпорами). ◊ АдакъэкIэу къэгъэшын ‒ согнуть дугой (букв. согнуть как петушиный хвост). ◊ Адакъэ-анэщIэр зэхэкIын ‒ стать различимыми и (о цыплятах ‒ дорасти до момента, когда различаются курочки и петушки). ◊ Адакъэ Iуэгъуэ ‒ рассвет (букв. время пения петухов). ◊ Адакъэ Iуэн петь ‒ о петухе.
• Адакъэбгъурыс ‒ ожиревшая курица, которая перестала нестись. Джэд мыкIэцIыж, джэд пшэр.
• Адакъэпщ ‒ 1) петух-производитель; 2) крюк на пароконных телегах. 1. Хъубжэр ягъэбэгъуэну джэдым хагъэт адакъэ. 2. Шыбжьыр зыфIадзэ гъущI къэгъэша.
• Адэ ‒ 1) отец; 2) вежливое обращение к пожилому мужчине. 1. Быныр зей цӀыхухъу. 2. Нэхъыжьхэм зэрызыхуагъазэ псалъэ.
• Адэ-анэ ‒ родители. Анэмрэ адэмрэ, быныр къэзылъхуахэр.
• АдэжкIэ ‒ нареч. ещё дальше кого-чего-л. Зыгуэрым нэхърэ нэхъ жыжьэжу.
• Адэжынэ ‒ коростель; дергач (птица). Псы Ӏуфэ чыцэхэм, мэкъупӀэхэм щыпсэу бзу лъэпкъ (и фэкӀэ гъуабжэщ, и дамэм тет къабзийхэр мащӀэщ, абы къыхэкӀыуи фӀыуэ лъэтэфкъым).
• Адэжьхэр ‒ предки (по мужской линии). Адэм и адэжхэр, лъэпкъыр къызытехъукIыжахэр.
• АдэкIэ ‒ 1) нареч. затем, потом, далее; 2) послелог за. 1. Зыгуэрым къыкIэлъыкIуэу. 2. Зытепсэлъыхьыр зыгуэрым нэхърэ нэхъ жыжьэу зэрыщытыр къэзыгъэлъагъуэ псалъэ.
• АдэкIэ-мыдэкIэ ‒ нареч. туда-сюда, из стороны в сторону, в разные стороны. ЩIыпIэ-щIыпIэкIэ, лъэныкъуэ-лъэныкъуэкIэ.
• Адэ-модэ ‒ адэ-модэ хэмылъу (хэмыту) ‒ без проволочек, без канители.
• Адэмыгу ‒ забитый, запуганный. Гунэдж, гукъыдэж зимыIэ; зи гур иудауэ къэхъуа.
• Адэмыдэкъуейнакъ ‒ праздношатающийся (букв. тот, кто часто ходит в гости). АдэмыдэкIэ щыхьэщIэу, щефэ-щешхэу къэзыкIухь.
• Адэмыущий-анэмыущий ‒ невоспитанный. Мыгъасэ, щхьэзыфIэфI, къуейщIей.
• АдэнэпIэс ‒ отчим. Къэзымылъхуа адэ, анэр зыдэкIуэжа е анэмрэ бынымрэ къахыхьэжа лIы.
• Адэпалъэ ‒ тот, который проявляет отеческую заботу. Адэ папщIэу сабийм щхьэщыт, адэм хуэдэу абы хущыт.
• АдэцIэ ‒ отчество. Адэм и цIэ, адэм зэреджэ.
• Адэш ‒ родня по матери отца. Адэм и анэш.
• Адэшхуэ ‒ дед, дедушка. Адэм и адэ е анэм и адэ.
• АдэщIэмыIу ‒ неприглядный человек. См. алаушын.
• АдкIэIуэкIэ ‒ нареч. немного дальше. Нэхъ жыжьэу, жыжьэIуэу.
• Адрей ‒ другой. НэгъуэщI, армыра.
• АдрыщI ‒ 1) заречье; 2) заречный, находящийся на противоположном берегу. 1. Псым адэкIэ къыщылъ щIы. 2. АдрыщIым щыIэ гуэр.
• Адыгагъэ ‒ атрибуты адыгского этикета (человечность, благородство, учтивость, гостеприимство и т.п.). ЦӀыхум хэлъыпхъэу адыгэ хабзэм къигъэувхэр (цӀыхугъэ, хьэл-щэн дахэ, жумартыгъэ, хэлэлыгъэ, гущӀэгъу иӀэныгъэ).
• Адыгагъэншэ ‒ пренебрегающий адыгским этикетом; не обладающий адыгской честью. Адыгэ хабзэм къигъэувхэр зымыгъэзащIэ, къизымыдзэ; цIыхугъэншэ.
• Адыгэ ‒ адыги (самоназвание адыгейцев, кабардинцев и черкесов). Адыгэ лъэпкъхэр (адыгейхэр, къэбэрдейхэр, шэрджэсхэр) зэрызэджэж цIэ. ◊ Адыгэ къамэ ‒ адыгский кинжал: адыгэхэм нэхъ зэрахьэу щыта къамэ лIэужьыгъуэ (къамалъэм и Iумрэ и кIэмрэ дыжьынкIэ гъэщIэрэщIащ, и кур лъахъстэн фIыцIэщ). ◊ Адыгэ къэб ‒ тыква: адыгэхэм хадэм щыхасэ къэб лъэпкъыгъуэ (и тхьэмпэхэр инщ, гъуэжьу мэгъагъэ, къэб къыщIэкIэхэр хъурейщ, шэжыпсыфэщ). ◊ Адыгэ унэ ‒ адыгский дом (удлинённой формы с широким коридором по всей его передней части): адыгэхэм япэм ящIу щыта унэ кIыхь, и гупэ псом кIэлындор (пырхъуэ) ирикIуэу Iуту. ◊ Адыгэ фащэ ‒ адыгская национальная одежда: адыгэхэм зэрахьэ лъэпкъ щыгъыныгъуэхэр. ◊ Адыгэ хабзэ ‒ адыгский этикет: адыгэхэм я дуней тетыкIэ, я хьэл-щэн, я нэмыс, я зэхущытыкIэ. ◊ Адыгэ хабзэ хуэщIэн ‒ соблюдать адыгский этикет по отношению к кому-л. ◊ Адыгэ цей ‒ черкеска: хьэзырхэр и бгъэм тедарэ и бгыр идыкIауэ адыгэ цIыхухъу щыгъын щIыIутель. ◊ Адыгэ цIыхубз зэхь ‒ женщина, воспитанная в традициях адыгского этикета: адыгэ хабзэм щIапIыкIа, адыгэ нэмыс зыхэлъ цIыхубз. ◊ Адыгэ шхын ‒ адыгское национальное блюдо: адыгэхэм я лъэпкъ шхыныгъуэхэр. ◊ Адыгэ Iэнэ адыгский ‒ трёхногий столик: лъакъуищ щIэту адыгэхэм зэрахьэ Iэнэ хъурей.
• Адыгэбзэ ‒ 1) язык адыгов (кабардинцев, черкесов, адыгейцев); 2) кабардино-черкесский язык. 1. Адыгэхэм (къэбэрдейхэм, шэрджэсхэм, адыгейхэм) я анэдэлъхубзэ. 2. Къэбэрдейхэмрэ шэрджэсхэмрэ зэрыпсалъэ бзэ.
• АдыгэлI ‒ переносное мужчина, воспитанный в традициях адыгского этикета. Адыгэ хабзэм щIапIыкIа, адыгэ нэмыс зыхэлъ лIы зэпIэзэрыт, лIы нэс, щыпкъэ.
• Адыгэш ‒ кабардинская порода лошадей (верхово-вьючная). Адыгэхэм къагъэхъуа шы лъэпкъыфI.
• АдыгэщI ‒ земля адыгов. Адыгэхэр щыпсэу щIыпIэ, адыгэхэм я хэку.
• Аджыдэ ‒ междом. ох, если бы (выражает сильное желание чего-л.). Зыгуэрым хуабжьу ухуеиныр, ухуэпабгъэныр къэзыгъэлъагъуэ псалъэ.
• Ажал ‒ смерть. Псэр хэкIыныгъэ, гъашIэр иухыныгъэ, лIэныгъэ.
• Ажалзехьэ ‒ смертоносный. Ажал зезыхьэ, псзр хэзых; узыгъэшынэ.
• Ажалыншэ ‒ бессмертный. Ажал зимыIэ, мылIэж.
• Ажалыфэ ‒ страшный, отталкивающий, неприятный (о внешности человека). Лъагъугъуей, Iуплъэгъуей, сурэтыншэ, Iей.
• Ажалышэ ‒ смертельная пуля. Ажал къэзышэ, зыукI шэ.
• Ажэ ‒ козёл. Бжэнхэм яхъу. ◊ Ажэ бзагуэ ‒ косноязычный. ◊ Ажэ жьакIэ ‒ с козлиной бородкой. ◊ Ажэ укIын ‒ находящийся на задворках. ◊ Ажэ цIыкIу бжьакъуэшхуэ ‒ неказистый молодой человек с претензиями не по возрасту (букв. маленький козёл с большими рогами).
• Ажэгъафэ ‒ этн. ажагафа (шут, скоморох, ряженый). Ажэ щIыкIэу хуэпауэ гуфIэгъуэм епха дауэдапщэр гушыIэкIэ, ауанкIэ зыгъэдахэ. Ажэгъафэ джэгу ‒ скоморошеничество, шутки ажагафы.
• Ажэгъуэмэ ‒ бот. подснежник, галантус (Galanthus). Гъатхэм пасэу, уэс телъ щIыкIэ, къыхэкI удз гъэгъа цIыкIу, (хужьуи щхъуэуи мэгъагъэ).
• Ажэгъупщ ‒ бот. рябчик (Fritillaria). Хущхъуэу къагъэсэбэп удз лъэпкъ (и тхьэмпэр хуэкIыхь щIыкIэщ, и лъабжьэр бжьыныщхьэм ещхьщ, мэкъупIэхэм, мэзхэм, хъупIэхэм къыщокI).
• Ажэжь ‒ ажэжь хуэдэ: здоровый, крепкий (о мужчине).
• Ажокъуэ ‒ междом. употреблятся в детской игре, имитирующей бой козлов (при слове «ажокъуэ!» дети стукаются лбами). Ажэм зрагъэщхьу, сабийхэр я натIэ зэжьэхагъауэу щыджэгукIэ, жаIэ псалъэ.
• Ажьмыжь ‒ физически и умственно недоразвитый. Зи акъылкIэ, узыншагъэкIэ хуэмыщIа.
• Азэн ‒ ◊ Азэн джапIэ ‒ религ. минарет. Азэн щыджэным хуэщIа лъагапIэ. ◊ Азэн джэн ‒ религ. призывать к намазу. Нэмэз щIыгъуэ нэблэгъа нэужь, джэурэ нэмэз щIыным цIыхухэр ешэлIэн. къыхуеджэн.
• АзэнджакIуэ ‒ религ. муэдзин. Азэн джэныр зи лэжьыгъэ цIыху.
• Азэт ‒ ист. вольноотпущенник. ПщылIыпIэм имытыж, пщылIыпIэм ирагъэкIа мэкъумэшыщIэ.
• Акъ ‒ подуст (рыба). Бдзэжьей лъэпкъ.
• Акъмыкъ ‒ бестолковый, непонятливый. ГурыIуэгъуэншэ, зэхэщIыкI зимыIэ, щхьэдыкъ акъымыкъ хъун.
• Акъмыкъыгъэ ‒ тупость. Акъмыкъ псалъэм къытекIа щыIэцIэ.
• Акъыл ‒ ум, рассудок. ЦIыхум гупсысэну Iэмал къезыт зэфIэкI.
• Акъылэгъу ‒ единомышленник, сторонник. Уи акъылым къытехуэ, телъхьэ къыпхуэхъу, къыбгурыIуэ.
• Акъылцыдж ‒ просторечие очень вспыльчивый. Хуабжьу къэгубжьыгъуафIэ, тэмакъкIэщI.
• Акъылыншагъ(э) ‒ глупость, бестолковость. Акъылыншэ псалъэм къытекIа щыIэцIэ.
• Акъылыншэ ‒ глупый, ненормальный. Делэ, акъыл зимыIэ, мыгубзыгъэ.
• АкъылыфIагъ(э) ‒ мудрость. АкъылыфIэ псалъэм къытекIа щыIэцIэ.
• АкъылыфIэ ‒ умный, мудрый. Губзыгъэ, Iущ, акъыл зиIэ.
• Акъужь ‒ свежак (ветер). КъуршымкIэ къриху жьы къабзэ щIыIэтыIэ.
• Алабгъуэ ‒ плотва. Зи теплъэкIэ кIэщIу, бгъуэуэ щыт бдзэжьей лъэпкъыгъуэ. ◊ Алабгъуэ ныбэ пузатый (о человеке).
• Алаушын ‒ неприглядный, невзрачный (о человеке). ЦIыху фейцей, лъагъуыгъуей, Iуплъэгъуей.
• Алащэ ‒ мерин. ХакIуэ сэкIа.
• Алэрыбгъу ‒ ковёр. ТхыпхъэщIыпхъэу, къуэлэнпщIэлэну зэхэлъ, пэш лъэгум ираубгъуэу е блын ирагъэдахэу зэрахьэ хьэпшып.
• АлейкIэ ‒ нареч. напрасно, зря. Лейуэ, пщIэншэу.
• Алмэсты(н) ‒ алмасты, «снежный человек». Языныкъуэхэм къазэрыфIэщIымкIэ, щIыпIэ дэдзыхахэм щыпсэууэ цIыхум ещхьыфэ псэущхьэ, таурыхъхэм уащыхуозэ. ◊ Алмэсты(н) мажьэ ‒ злая женщина. ◊ Алмэсты(н) щхьэц Iыгъын ‒ уметь повелевать.
• Алмэстынщхьэц ‒ бот. повилика (Cuscuta). Тхьэмпэ зытемыт лъэнтхъуий удз лъэпкъыгъуэ.
• Алыдж ‒ устар. грек, эллин. Пасэм щыгъуэ грекхэм зэреджэу щыта.
• Алыхь ‒ Аллах. Муслъымэн диным итхэм я тхьэ. ◊ Алыхь закъуэ ‒ единый Бог. ◊ Алыхь лъэщ ‒ всемогущий Бог. ◊ Алыхь Iэмыр ‒ Божья воля. ◊ Алыхьым и бэлыхьыр техуэн ‒ подвергнуться Божьей каре. ◊ Алыхьым деж нэмысын псалъэ ‒ кощунственное, оскорбительное слово, выражение. ◊ Алыхьым ещIэ ‒ Бог его знает. ◊ Алыхьым жыхуиIам хуэзэн ‒ чему бывать, того не миновать (букв. будет так, как захотел Аллах). ◊ Алыхьым и нейр зыщыхуа ‒ обездоленный человек (букв. проклятый Аллахом). ◊ Алыхьым и фIыщIэкIэ ‒ по Божьей милости. ◊ Алыхьым и хьэтыркIэ ‒ ради Бога. ◊ Алыхьым иужэгъужа богом ‒ забытый (обиженный) человек. ◊ Алыхьым и шыкуркIэ ‒ слава Богу. ◊ Алыхьым къыузэритынщ ‒ отличный, чудный, прекрасный. ◊ Алыхьыр гъэпцIын ‒ не сдержать клятвы.
• Алыхь-алыхь ‒ междом. Боже! Господи! Ой-ой-ой! Зыгуэр гъэщIэгъуэн, телъыджэ къызэрыпщыхъуар къэзыгъэлъагъуэ псалъэ.
• Алыхь-билыхь ‒ ◊ Алыхь-билыхькIэ елъэIун ‒ очень просить, умолять, заклинать кого-л.
• Алъандэрэ ‒ нареч. до сих пор, до сего времени; с тех пор, с того времени. Апхуэдизрэ, зы зэман гуэрым къыщыщIэдзауэ.
• Алъп ‒ миф. сказочный конь, необычайной силы скакун. Шы жэр, къаруушхуэ, жагъэшхуэ зиIэ шы (нарт хъыбархэм ущрохьэлIэ).
• Алъпжьей ‒ миф. сосунок, жеребёнок сказочного коня. Алъп шыщIэ.
• Алътес ‒ атлас, атласный. Данэ щэкI пIащIэ лъэпкъщ, и фIыпIэмкIэ тецIуукIыу.
• Алътыншыкъ ‒ кусок кожи, прикрывающий пряжку стременного ремня. Лъэрыгъыпсыфэ быжым къытелъ фэ тIэкIу (уанэгущхьэнтэр мылэжьэн щхьэкIэ хуащI).
• Амдэч ‒ религ. священная книга, в которой содержатся отдельные главы Корана. КъурIэным щыщ Iыхьэ къыхахахэр зэрыт тхылъ; къурIэн цIыкIу.
• Аму ‒ бот. купырь дубравный (Anthriscus nemorosa). Купсэ кIыхь кунэщI зиIэ удз лъэпкъ, яшх.
• Амыщ ‒ (хьэрфышхуэкIэ кърагъажьэ) миф. бог животных и покровитель пастухов. Iэщхэм я тхьэ.
• Ана-а ‒ межд. о, ну, неужто, неужели (употребляется только в речи женщин). ГъэщIэгъуэныгъэ, мыарэзыныгъэ къызэрыкIыу бзылъхугъэм къагъэсэбэп псалъэ.
• Анэ ‒ 1) мать; 2) самка. 1. Бын зиIэ, быныр къэзылъхуа бзылъхугъэ. 2. ЩIэжьей, шыр зиIэ псэущхьэ, бзу, хьэпщхупщ сыт хуэдэхэр. ◊ Анэ быдзышэу и хьэлэлын ‒ пойти впрок, как молоко матери. ◊ Анэм и кIэ къуагъым къуэсын ‒ держаться за юбку матери. ◊ Анэм къызэрилъхуауэ ‒ в чём мать родила. ◊ Анэ дэлъху ‒ дядя, дядька, брат матери. ◊ Анэ шыпхъу ‒ тётка, тётя, сестра матери.
• Анэбгъэ ‒ материнская грудь (символ материнской нежности и чувств). Гуапагъэм, IэфIыгъэм и щапхъэу къагъэсэбэп псалъэ.
• Анэгу (анэгу-анэпсэ) ‒ 1) материнское сердце; 2) тот, кто сильно привязан к матери. 1. Анэм игу. 2. Зи анэр зымылъагъуу мыпсэуф, анэкIэ гумащIэ, нэхъуеиншэ.
• АнэдэкIуэ ‒ ребёнок, живущий в семье отчима. Зыдэпсэу лIым хуимыгъуэтауэ бзылъхугъэм щIыгъу бын.
• Анэдэлъхубзэ ‒ родной язык. УкъызыхэкIа лъэпкъым и бзэ.
• Анэкъилъху ‒ родной брат, родная сестра. Уи анэ къилъхуа къуэш, шыпхъу, дэлъху.
• Анэл ‒ родинка. Къыдалъхуауэ цIыхум и щIыфэм хэт, хэс фIыцIагъэ.
• Анэмэт ‒ 1) устар. аманат, заложник; 2) переносное то, что оставляется, передаётся для присмотра или хранения. 1. Ар къэбгъэсэбэпурэ зыгуэрым зыгуэр къегъэщIэн, къыпыхын мурадкIэ яIыгъ цIыху. 2. КIэлъыплъыну, ихъумэну зыгуэрым пIалъэкIэ къыхуагъанэм щхьэкIэ жаIэ.
• АнэнэпIэс ‒ мачеха. Быныр къэзымылъхуа анэ, адэм къишэжа фызыр быным зэрыхущытым зэреджэ.
• Анэш ‒ семья, дом матери; родственники матери. Анэр къыщалъхуа унагъуэ; къызыхалъхуа лъэпкъ.
• Анэшхуэ ‒ бабушка, бабка. Анэм е адэм я анэ.
• АнэщIэ ‒ молодая курица. Джэдыр адакъэм къыщхьэщагъэкIын папщIэ жаIэ псалъэ.
• Андэгурэ ‒ бот. свербига восточная (bunias orientalis). И купсэр пшхы хъууэ, сыру. Удз лIэужьыгъуэ.
• Андез ‒ религ. омовение. Нэмэз щIыным и пэкIэ духьэ къабжурэ Iэри, напэри, лъакъуэхэри зэратхьэщIым ироджэ.
• Андезыпс ‒ религ. вода для омовения перед намазом. Андез зэращтэ псы.
• Андыз ‒ бот. девясил высокий (Inula helenium). Тхьэрыкъуэфым ещхьу, тхьэмпэ пIащэ къызыпыкIэ удз лъэпкъ (нэхъыбэу мэзым къыщокI, жьэнпэпкъ ныбэ уз хущхъуэу къагъэсэбэп).
• Андзыш ‒ бот. кубано-зеленчукские коровяк (Verbascum). ЛIэужьыгъуэ зыкъом хъу, мэкъупIэхэм, мэз лъапэхэм къыщыкI удз лъэпкъыгъуэ (Iэщым яшхкъым).
• Андзышбаринэ ‒ бот. кубано-зеленчукские коровяк раскидистый (Verdascum laxum Filar). Лъагэу дэкIей, зи щхьэкIэр гъэгъа гъуэжь куэду зэхэт андзыш лIэужьыгъуэ.
• АнтIырэ ‒ бот. жимолость обыкновенная, волчьи ягоды (Lonicera xylosteum). ЩхъуантIэ-гъуэжьыфэу къэгъагъэ гъурц лIэужьыгъуэ.
• Апэсы ‒ двадцать копеек. КIэпIейкIэ тIощI (зэгуэту е къутауэ).
• Апхуэдэ ‒ определит. мест. такой. Абы ещхь, абы хуэдэ.
• Апхуэдэу ‒ нареч. так, таким образом. Ещхьу, а щытыкIэм тету. ◊ Апхуэдэу щыт пэтми ‒ несмотря на это, хотя и так. ◊ Апхуэдэу щыщыткIэ ‒ раз так.
• Апхуэдэурэ ‒ нареч. так, таким образом. Арыххэурэ, абы тетурэ.
• Апхуэдиз ‒ нареч. столько, так много. Апхуэдэу куэд, ар зи куэдагъ, а къомыр.
• АпхуэдизкIэ ‒ нареч. настолько. Егъэлеяуэ, хуабжьу, икъукIэ.
• Апхуэдизрэ ‒ нареч. столько раз, так много; так долго. Куэдрэ.
• Апщий ‒ частица да, пусть (для выражения пожелания). Зэрыхъуахъуэ псалъэм щIыгъуу къагъэсэбэп.
• Апщыгъуэ ‒ нареч. кубано-зеленчукское тогда, в то время. Зи гугъу ящI зэманым хуэзэу; абы щыгъуэ.
• АпщIондэху ‒ нареч. к тому времени; до тех пор, пока. Зэман пыухыкIа гуэр блэкIыху, къэсыху.
• Ар ‒ личн. мест. он, она, оно. Именительнэ падежым иту ещанэ щхьэр къэзыгъэлъагъуэ цIэпапщIэ. ◊ Ар дыдэ ‒ тот самый.
• Аракъэ-тIэ ‒ 1) вводн. сл. поэтому-то; 2) нареч. поэтому. 1. / ЖаIэр зыгъэбыдэ мыхьэнэ иIэу къакIуэ псалъэ. 2. Абы щхьэкIэ, абы папщIэ.
• Арамэ ‒ союз если так. Апхуэдэу щытмэ, апхуэдэу щыхъуакIэ.
• Аранэ ‒ недоступная вершина. Къуршым и нэхъ лъагапIэ дыдэ, бгы лъагэм и щыгу.
• Арат ‒ нареч. поэтому, по этой причине. Абы и щхьэусыгъуэкIэт.
• Арати ‒ вводн. сл. итак, таким образом; следовательно. Сытми, жыпIэнуракъэ, апхуэдэу щыхъум.
• Арахъэ ‒ устар. деревянный желоб на крыше для стока воды. Уэшхыпсыр ирижэн щхьэкIэ, хьэкхъуафэ щIыкIэу дэбзыкIауэ унащхьэм халъхьэу щытар.
• Арэзы ‒ 1) тот, кто доволен; 2) тот, кто согласен с чем-л. 1. Гузэгъэгъуэ зыгъуэта. 2. Зыгуэрым къуэувэ, зыгуэр пэжу, хъуну зылъытэ.
• Арэзын ‒ 1) быть довольным кем-чем-л.; 2) быть согласным с чем-л. 1. Арэзы хъун, и гур зэгъэн. 2. ЗыгуэрымкӀэ акъылэгъу хъун. ◊ ЛӀыжьыр щӀалэмкӀэ арэзыт ‒ старик был доволен мальчиком.
• Арэзыныгъэ ‒ 1) довольство, чувство внутреннего удовлетворения; 2) согласие с чем-л. Арэзын псалъэм къытекӀа щыӀэцӀэ.
• Арэф ‒ багор, крюк; шест, жердь. Зи кIапэ лъэныкъуэм фIэгъэнапIэ иIэ пхъэ кIыхь; къурыкъу, бжэгъу.
• Арэфыпс ‒ кожаная веревка для прижатия жерди при увязывании воза сена, соломы и т. п. Гум сыт хуэдэхэм илъ гуэр щапхэкIэ арэфыр зэрытракъузэ фэ кIапсэ.
• Арэфыщхьэ ‒ утолщенная часть жерди. Арэфым и щхьэ, гъумыпIэ.
• Аргуажьэ ‒ рогожа. Хьэпшып гуэрхэм кърашэкIыу къагъэсэбэп щэкI пхъашэ (бзиихум и пхъафэм къыхащIыкI).
• Аргуэр ‒ определит. мест. тот самый. Ар дыдэ, езыр.
• Аргуэру ‒ нареч. опять, снова. Къытригъазэу, етIуанэ-ещанэу, щIэрыщIэу.
• Аргъей ‒ лосось. Хым хэс бдзэжьеишхуэ лъэпкъ.
• Аргъейдэжэ ‒ рыба семейства лососевых. Аргъей лъэпкъ, ауэ инагъкIэ аргъейм нэхърэ зыкъомкIэ нэхъ псыгъуэу.
• АргъейшыщIэ ‒ малёк лосося. Аргъей шыр.
• Аргъынащхьэ ‒ начало валка, гряды. Аргъынэ хэщIапIэ, аргъынэм и щхьэ.
• Аргъынэ ‒ валок. Мэкъу, мэш сыт хуэдэхэр щыпаупщIкIэ ищI сатыр.
• Аргъынэзэтедзэ ‒ способ кошения (подкос травы под валками первого ряда, чтобы они не гнили и легли на стерню). Мэкъу еуэн щаублэкIэ, хаупщIар къыхрагъэдзыжурэ екIуэкIмэ, аргъынэзэтедзэщ.
• АргъынэкIэ ‒ конец валка, гряды. Аргъынэм и ухыпIэ, абы и кIэ.
• АргъынэкIэрахъуэ ‒ способ кошения (прокос идёт от центра по кругу). Хъурейуэ кIуэуэрэ зызыубгъу мэкъу еуэкIэ.
• АргъынэщIэнэ ‒ нескошенная трава под валками. Шэмэджым пимыупщIауэ аргъынэ щIагъым къыщIэна удз.
• Аргъуей ‒ комар. Шэдхэм, псыпцIэхэм узыщрихьэлIэ, цIыхум, псэущхьэм я лъыр къыщIэзыфыкI гъудэбадзэ лIэужьыгъуэ.
• Арджэн ‒ арджен, циновка. Алэрыбгъум ещхьу, къамыл щабэ зэIуща.
• Арджэнудз ‒ бот. рогоз широколистный (Fypha latifolia). ПсыпцIэхэм, псы Iуфэхэм къыщыкI къамыл лIэужьыгъуэ (арджэн, матэ, IэмпIэ сыт хуэдэхэр къыхащIыкI).
• Арджэныпс ‒ шпагат, шнур, используемый при изготовлении арджена, циновки. Арджэн щащIкIэ, къамылхэр зыдадз кIапсэ псыгъуэр.
• АрджэныщI ‒ мастер по изготовлению арджена, циновки. Арджэн щIыным хуэIэзэ, ар зи IэщIагъэ.
• Арелъ ‒ частица просторечие вишь, вишь как, смотри как (употребляется для выражения удивления, чаще с оттенком неодобрения, неудовольства). Гумызагъагъэ, гъэщIэгъуэныгъэ къэзыгъэлъагъуэ псалъэ кIэрыдзэн; абы еплъыт, ар плъагъурэ.
• Аркъэ ‒ водка. Гуэдз, хьэ, нартыху сытхэм къыхащIыкI фадэ гуащIэ.
• Аркъэжь ‒ старка (водка). Илъэс бжыгъэкIэ щыта аркъэ гуащIэ.
• Аркъым ‒ частица ах, нет (выражает возмущение, негодование). Догуэ, хьэуэ (губжь къегъэлъагъуэ).
• Аркъудей ‒ частица даже. КъызыхуэкIуэ псалъэм и мыхьэнэр зэрыщIагъэхуабжьэ псалъэ гуэдзэ; ауэ, ауикI.
• Арму ‒ неловкий, неуклюжий, неумелый (о человеке). Iуэху щIэным хэмызагъэ, IэмыкIуэлъэмыкIуэ.
• Армууэ ‒ нареч. неловко, неуклюже, неумело. Iуэхум хуэмыIэзэу, IэмыкIуэлъэмыкIуэу.
• Армуугъэ ‒ неловкость, неуклюжесть, неумелость. Арму псалъэм къытекIа щыIэцIэ.
• Армуужь ‒ пренебреж. сл. крайне неловкий, неуклюжий, неумелый; увалень. Егъэлеяуэ арму.
• Армырай ‒ ◊ Армыраи хабзэр ‒ совсем другое дело, иное положение вещей.
• Армырамэ ‒ союз если не то, если не так, иначе, в противном случае. Апхуэмыдэмэ, апхуэдэу щымытмэ, апхуэдэу мыхъунумэ.
• Армырауэ ‒ нареч. иначе, по-другому. НэгъуэщIу, апхуэмыдэу.
• Армыхъум(э) ‒ нареч. иначе, однако, только. Армырмэ, арыншэу, ахъумэ.
• Армыхъуми ‒ нареч. и так, и без этого. НэгъуэщI мыхъуми, армырами, арыншами.
• Ару ‒ бот. гречишник, горец, гречишка (Polygonum). ЛIэужьыгъуэ зыбжанэу игуэш губгъуэ удз лIэужьыгъуэ (Iэщым фIыуэ яшх, хущхъуэгъуэу къагъэсэбэп).
• Аруант ‒ металлическая планка, укрепляющая шину на колесе, зажим. Шинэмрэ гулъэгумрэ зэтегъэбыдауэ зыIыгъ гъущI.
• Архъуанэ ‒ водоворот, омут. Псы ежэхым и кууупIэ, псым зыщриIуэнтIыхь щIыпIэ.
• Аршав ‒ мельхиор, мельхиоровый. ГъущIхэкI лъэпкъ, дыжьыныфэ-хужьыфэу.
• АрщхьэкIэ ‒ союз однако, но. Ауэ.
• Арыкъ ‒ мало-каб. холмистая местность. Iуащхьэ щыкуэд, бгылъэ щIыпIэ.
• Арыншамэ ‒ союз иначе, а то, в противном случае. Апхуэдэу мыхъумэ, къыщIэмыкIмэ, щымытмэ, щымытамэ.
• Арыншами ‒ нареч. (и) так, и без того. Апхуэдэу щымытми, мыхъуми, армыруи, ар хэмытуи.
• Арыххэти (арыххэу) ‒ нареч. тотчас, сразу же. Зэуэ, асыхьэтым.
• Арыхъ ‒ палочка, заостренная с двух концов, употребляемая в национальной игре (вид чижика). ЦIампIырэ щыджэгукIэ ягъэлъей баш цIыкIу.
• Арыщ ‒ устар. широкая арба на низких деревянных колесах для передвижения в горах. Къуршхэм, щIыпIэ къуейщIейхэм къызэрыщакIухьу щыта мэлыхъуэгу лIэужьыгъуэ, мыуфэрэкIын папщIэ, пхъэ шэрхъ лъахъшэ щIэту, бгъуэуэ.
• Аслъэн ‒ лев. Джэду лъэпкъхэм ящыщ хьэкIэкхъуэкIэ Iэл пIащэ (и теплъэкIэ гъуэжьыфэщ, аслъэныхъум сокушхуэ тетщ).
• Асмыж ‒ 1) косточки между бедренной костью и голенью у животных; 2) карлик. 1. Ӏэщым и куэпкъ къупщхьэмрэ лъэдий къупщхьэмрэ щызэпыувэм деж хэлъ къупщхьэ щимэ цӀыкӀу. 2. Хэмыхъуэу къэна, цӀыкӀужьей, цӀыкӀу.
• Ассымыгъуэ (ассымыгъуэзэрабг) ‒ междом. о, ну, неужто, неужели (употребляется только в речи женщин). ГъэщIэгъуэныгъэ мыхьэнэ иIэу бзылъхугъэхэм къагъэсэбэп псалъэ.
• Асу ‒ питательность, калорийность. Къэуат.
• Асыхьэту (асыхьэтым) ‒ нареч. в тот час, сразу же. ЗанщIэу, псынщIэу, зэман кIэщIым къриубыдэу.
• Ат ‒ междом. устар. ой, эх. Зыгуэрым хуабжьу зэрыхущIегъуэжар, зыгуэр и жагъуэ зэрыхъуар къэзыгъэлъагъуэ псалъэ.
• Атэлыкъ ‒ этн. воспитатель, которому по адыгскому абычаю знатные люди отдавали на воспитание детей. Япэм адыгэм хабзэу яIащ зылъэкIхэм быныр нэгъуэщI унагъуэм щрагъэпIу. Ар зи къалэным атэлыкъкIэ еджэрт.
• АтIэ ‒ 1) союз но; 2) частица так, ну, да. 1. Ауэ. 2. НтIэ, сытми.
• АтIэми ‒ союз к тому же; и, да, притом. ИтIани.
• Ауан ‒ насмешка. Дыхьэшхэн, щIэнэкIалъэ.
• АуаныщI ‒ насмешник. Ауан щIыныр зи нэрыгъ, зи хьэл.
• Ауэ ‒ 1) союз но; 2) нареч. там; просто так, даром; только лишь; так; раз так. 1. АрщхьэкIэ. 2. Абдеж.
• Ауэрэ ‒ нареч. постепенно, таким образом. ТIэкIу-тIэкIуурэ, къекIуэкI-некIуэкIыурэ, кIуэурэ, апхуэдэурэ.
• Ауз ‒ долина, ущелье. Псы къызыдэж къуэ, бгы зэхуаку; псыхъуэ.
• Ауи ‒ нареч. даже. Зыуи, зы мащIэкIи.
• Аууей ‒ междом. да ну, да нет же. АIэ.
• Аушыджэр ‒ (хьэрфышхуэкIэ кърагъажьэ) устар. мифическое божество (Святой Георгий). Муслъымэн диным ихьэн япэ, адыгэхэм зауэлIхэм, мэкъумэшыщIэхэм я телъхьэу къалъытэу щыта тхьэм зэреджэ.
• Афэ ‒ устар. кольчуга. Жыр тхьэгъу цIыкIуурэ зэрылъу щIа джанэ (Iэщэм зыщахъумэн папщIэ пасэ зэманым зауэлIхэм зыщатIагъэу щытащ).
• Афэрым ‒ молодец, молодчина. Зыгуэр гуапэ зэрыпщыхъуар къэзыгъэлъагъуэ фIыщIэ псалъэ.
• Афэху ‒ устар. кольчуга, покрытая серебром. ДыжьынкIэ ла, щIэгъэна афэ.
• АфIэкI(а) ‒ нареч. кроме, больше. НэгъуэщI, абы нэмыщI.
• Ахьей ‒ междом. выражает согласие, утверждение, соответствует частицам «да, конечно». Зыгуэрым щыхьэт иритехъуэу, «шэч хэмылъу» мыхьэнэ иIэу къагъэсэбэп.
• Ахьмакъ ‒ глупец, дуралей. Делэ, делэIуделафэ, акъылыншэ.
• Ахьмакъыгъэ ‒ глупость. Ахьмакъ псалъэм къытекIа щыIэцIэ.
• Ахъи-быхъи ‒ ахъи-быхъи жымыIэн: не издавать ни звука, упорно молчать.
• Ахъшащхьэ ‒ первоначально вложенная в какую-л. торговую операцию сумма. ЩызэрагъэкIуэкIым къищIа фейдэр хэмыту, къызэращэхуар, и уасэ дыдэр.
• Ахъшэ ‒ деньги. Зыгуэр щащэ-къыщащэхум деж уасэ зэралъытэ дамыгъэ (металлуи тхылъымпIэуи щыIэщ). ◊ Ахъшэ гъэтIылъа ‒ денежные сбережения. ◊ Ахъшэ делэ ‒ бешеные деньги. ◊ Ахъшэ зэгуэт ‒ крупные деньги, купюры. ◊ Ахъшэ зэдиж ‒ крупная сумма денег. ◊ Ахъшэ зэрыIыгъ ‒ круглая сумма денег. ◊ Ахьшэ къэтхъун ‒ загребать большие деньги. ◊ Ахъшэ къэхьэхун ‒ выиграть деньги. ◊ Ахъшэ къутэн ‒ разменять деньги. ◊ Ахъшэ мыкIуэ ‒ деньги, вышедшие из обращения. ◊ Ахъшэ уэр ‒ большие деньги.
• Ахъшэдэщ ‒ квасцы. Фэ щагъэтэджкIэ, пкъынэкIэ зыгуэр щраIэкIэ халъхьэр (и теплъэкIэ шыгъум ещхьщ).
• Ахъшэншагъэ ‒ безденежье. Ахъшэншэ псалъэм къытекIа щыIэцIэ.
• Ахъшэншэ ‒ безденежный. Ахъшэ зимыIэ.
• Ахъшэхэхъуэ ‒ деньги, взятые под процент. ЩIыхуэу зэратам папщIэ, хэхъуэ иIэу къратыж ахъшэ.
• АхъшэщIэкI ‒ ходовой (о товаре). ФIыуэ ахъшэ къызыщIэкI, ящэху (п. п. хьэпшып).
• Ахъырзэман ‒ великолепный, прекрасный. Гъуэзэджэ, фIы.
• АхъуакIэ ‒ устар. название детали кустарного ткацкого станка. Цеищэ пкъом щыщ Iыхьэ.
• Ахъуащхьэ ‒ устар. название детали кустарного ткацкого станка. Цеищэ пкъом щыщ Iыхьэ.
• Ахъумэ ‒ союз (не) то, иначе. Апхуэдэу щымытмэ, мыхъумэ.
• Ачэтыр ‒ устар. разновидность кабардинской породы лошадей. Адыгэш лъэпкъ.
• Ашэмыкъу ‒ треножник очажный. Губгъуэм щыпщафIэкIэ, лэгъуп, шыуан фIадзэну ягъэув башищ зэупсея, зэпха.
• Ашэмыхъэ ‒ бот. пастушья сумка обыкновенная (Capsella bursa ‒ pastoris). Гъэгъа хужь цIыкIухэр къыпыкIэу гъуэгубгъухэм, тафэхэм къыщыкI удз лIэужьыгъуэ яшх; хьэндыркъуакъуалъэ.
• Ашэплъ ‒ вид могара. Ху плъыжь лъэпкъ.
• Ашэху ‒ бот. могар, щетинник итальянский, просо итальянское (Setaria italica, Panicum italicum). Гъэгъахэр щхьэмыжым ещхьу зэпэщIэсу къызыпыкIэ, къагъэсэбэп Iусыпхъэу къэкIыгъэ.
• Ащ ‒ кубано-зеленчукские клейстер. Гуэдз хьэжыгъэм къыхэщIыкIа шхэпс.
• Ащтым ‒ бот. осока низкая (Carex humilis). Бгыхэм, къырхэм къыщыкI удз щабэ лъэпкъ (Iэщым фIыуэ яшх, гъагъэркъым).
• АIэ ‒ частица нет. Хьэуэ.
• АIей ‒ междом. ай, ой, ах (выражает удивление, восклицание, употребляется только в речи женщин). ЦIыхубзхэм къапсэлъ гъэщIэгъуэныгъэ къэзыгъэлъагъуэ псалъэ.