Алтынчы декабрь көнне "Факел" яшүсмерләр клубында "Язмыш алдында сез көчле" дигән исем астындагы чара узды.
Әлеге чарада мөмкинлеге чикле кешеләр катнашты. Моннан бер ай элек клуб бәйге игълан иткән иде: катнашырга теләгән һәркем безгә үз тормышын чагылдырып иҗади эшләр юллады. Бәйгегә барлыгы 17 эш кабул ителде. Бәйгегә йомгак ясалды һәм катнашучыларның һәммәсенә истәлекле бүләкләр, дипломнар тапшырылды.
Чарада Балтач районының "Юл хәрәкәте куркынычсызлыгы идарәсе" җитәкчесе Лилия Һадиева да катнашты.Ул бәйге катнашучыларына өстәл уеннары уйнатты.
Чара һәркемнең күңеленә хуш килде, бик матур һәм оешкан төстә узды. Катнашкан һәркемгә рәхмәтебезне белдерәбез!
Илүзә Разыкова
“Факел” клубы методисты
Фото: автор