Карадуганның “Ак каен” балалар бакчасы кунакларны гореф-гадәтләргә тугры калып, милли киемнәрдән, милли ризык һәм җыр-шигырьләр белән каршы алды.
Үзләре җыеп ясаган үлән чәйләре, татар халкының тәмле ризыклары белән республикабызның бик күп район һәм шәһәрләреннән җыелган кунакларны сыйлады.
Әлеге бакчада эшләп килүче музей һәм анда тупланган экспонатлар да кунаклар өчен бик кызыклы булып, күп сораулар тудырды. Марат Готыф улы Әхмәтов һәм аның бертуганнары үскән бишекнең бирегә килеп эләгү тарихына да битараф калмады алар.
Кечкенәдән балаларның кул эшләренә өйрәнеп үсүләренең дә шахите булдылар. Авыл өчен шундый масштабта эш алып баруларына һәм нәтиҗәләренә сөенеп, соклануларын белдерделәр.
Күбрәк фото түбәндәге сылтама буенча.