Куныр урта мәктәбенең 5 нче сыйныф укучылары сыйныф җитәкчесе Рамил Нәҗипов белән велосипедта походка чыктылар.
“Авылның Сабантуй була торган җирендә велосипед ярышы, волейбол уены уздырдык.Походта велосипед белән йөрү үзе бер рәхәтлек. Чишмә яннарын карап, сулар алып тәмле чәйләр эчтек. Абыебызның пешергән пылавы телеңне йотарлык иде.
Без походта рәхәтләнеп ял итеп, киләчәккә планнар кордык”, дип хәбәр итә укучылар.