Անհարմար մարդիկ՝ անհարմար հարցերով։

Մեզ, համատարած, փորձում են սովորեցնել, թե ինչպես ազատվել անհարմար մարդկանից, ովքեր անհարմար հարցեր են բարձրացնում:

Այդ տենդենցը՝ ազատվել այն ամենից, ինչն անհանգստություն է պատճառում, աստիճանաբար ավելի բուռն ընթացք է ստանում: Բազմաթիվ հոգեբաններ պնդում են, որ անհրաժեշտ է սահմանել անձնական սահմաններ և առաջնորդվել սեփական հարմարավետությամբ: 

Սովորաբար փորձում են սովորեցնել, թե ինչպես խուսափել անհարմար հարցերից, ինչպես ֆիլտրել շրջապատը անհարմար մարդկանցից կամ պատասխանել այնպես, որ դիմացինն այլևս չհամարձակվի նմանատիպ հարցեր ուղղել:

Իսկ ես ցանկանում եմ ասել, որ մեզ, իրականում խիստ անհրաժեշտ են անհարմար մարդիկ՝ իրենց անհարմար հարցերով, քանզի հենց այդ հանգամանքն է նպաստում մեր պրոգրեսին:

Ուզում եմ ասել, որ անհարմար մարդիկ և անհարմար հարցեր գոյություն չունեն: 

Փոխարենը՝ կան հարցեր, որոնց ինքներս համարձակություն չենք ունենեցել պատասխանելու: Կան վախեր, արդարացումներ և փախուստ՝ ինքներս մեզանից:

Եթե ինչ-որ մեկը քեզ այնպիսի հարց է տվել կամ հայտնել կարծիք, որ ներքին դիսկոմֆորտ է առաջացնում, ճնշում կամ վիրավորում է քեզ, խնդիրը, բնավ, մարդու հետ չէ կապված, այլ՝ քո:

Խնդիրն այն է, որ դու ինքդ համարձակություն չես ունեցել անկեղծ պատասխանել քեզ անհանգստացնող հարցերին, նայել սեփական վախիդ աչքերին ու ընթանալ դեպի սեփական անդունդը, ուր կհանդիպես ներսիդ հրեշներին:

Շատ ավելի հեշտ է պարփակվել, պաշտպանվել, արդարանալ ու փախչել դիսկոմֆորտ առաջացնող իրականությունից, քան ինքդ քեզ անկեղծ հարցեր հղել և նույնչափ անկեղծ էլ դրանց պատասխանել, որքան էլ դրանք ցավոտ լինեն:

Այն արդարացումները, որ բերվում են, որքան էլ հավատալի թվան, չեն կարող լինել իրական պատճառներ:

Այսուհետև շնորհակալություն է պետք հայտնել Տիեզերքին բոլոր այն մարդկանց համար, ովքեր փորձում են ձեզ վիրավորել, արժեզրկել, սադրել, անհարմար հարցեր տալ, քանի որ նրանց շնորհիվ հնարավորություն է ստեղծվում բացահայտելու ձեզ սահմանափակող համոզմունքները, այն հարցերը, որոնց ներքուստ չեք պատասխանել, որոնց պատասխանների հանդեպ վախերի աչքերին նայելու համարձակություն չեք ունեցել, սակայն՝ պիտի ունենաք, այն անդունդը, որի հատակը պիտի տեսնեք, այն հրեշներին, որոնց պիտի հանդիպեք:

Ազատվի՛ր քեզ սահմանափակող համոզմունքներից և դրա համար օգտագործիր բոլոր հնարավոր ու անհնար միջոցները:

Մարդիկ ռեսուրս են:

Ինչպես օգտվել ռեսուրսներից՝ ի շահ, թե՝ ի վնաս, բացառապես քո ընտրութունն է:

©️ Լինդա Դավթյան