Балтась ёросын куинь площадка ужаз: Покчи Лӧзя, Шор Кушкет но Ципья школаос.
3-тӥ оштолэзе шаерамы ортчиз «Бадӟым удмурт диктант» («БУД») шуыса нимаськись улосвылкуспо дышетон акция. Ужрадэз радъяз «Мынам Удмуртие» радио. Удмурт сямен диктант гожтонэ мыло-кыдо итӥськизы Удмуртилэн палэназ — Татарстанын, Башкортостанын но Москваын — улӥсь удмуртъёс но. Диктант гожтӥзы Балтась ёросысь удмуртъёс но.
Асьме дорын куинь площадка ужаз: Покчи Лӧзя, Шор Кушкет но Ципья школаос. Ӵапак та школаосын 3 оштолэзе луэ вал бадӟым удмурт диктантэз гожтыны. Огъя вераса, Балтась ёросын диктант гожтонэ пыриськиз 55 мурт, соос пӧлын вал кызьы дышетскисьёс но дышетӥсьёс, озьы ик мукет удысъёсын ужась адямиос но.
Статьялэн быдэс вариантэз — «Азьлане» газетлэн бамъёсаз.