Працягваем тэму "Колеры". Сёння займаліся з карткамі з колерамі. Мы раскладвалі карткі і называлі колеры (для таго, каб успомніць правільнае вымаўленне назваў, бо дзе-нідзе яшчэ трапляецца "синий" замест "сіні")
Потым пазнаёміліся з карткамі з трафарэтамі. Назвалі ўсе прадметы.
Трафарэты вырабляла вельмі проста - раздрукавала малюнкі прадметаў (падабрала па адным на кожны колер), выразала сілуэты, як паказана на фота і "заламінавала" шырокім скотчам.
Потым згулялі ў гульню "падбяры пару". Я называла "жоўтае кураня" і сын падбіраў неабходныя карткі.
Наступная гульня "падбяры прадметы" Бяром картку з любым колерам і падбіраем усе прадметы, якія могуць быць такога колеру.
І адваротная гульня "падбяры колеры". Бяром любы трафарэт і падбіраем карткі з колерамі, якія падыходзяць.
Напрыканцы вырашылі ўспомніць тэму "адушаўлёныя і неадушаўленыя" прадметы.
У цэлым, атрымалася даволі цікава патрэніраваць назвы колераў і назвы некаторых прадметаў.
Вось тут нашы эксперыменты з колерамі.
Тут вывучаем вясёлку
Тут цікавая настолка "Вясёлка"