Эксперыменты з колерамі

Пачаць вывучэнне мовы мы вырашылі з колераў. Таму што гэта словы, якія, напэўна, трапляюцца ў любой тэме: садавіна, агародніна, жывёлы, птушкі, дрэвы, святы і многа-многа іншых.

Такую, здавалася б простую, тэму я раздзяліла на некалькі частак: вывучэнне непасрэдна колераў, вясёлка і парадак колераў у ёй, асноўныя колеры і іх спалучэнне, спалучэнне колераў з белым і хімічныя эксперыменты з колерамі.

Непасрэдна з эксперыментаў мы і пачалі. Чаму? Па-першае, гэта вельмі цікава – быць лабарантам-хімікам. Карыстацца піпеткай, рознакаляровымі вадкасцямі і інш. Па-другое, гэта наглядна дэманструе разнастайнасць колераў і задае тэму для разважання і абмеркавання.

Эксперыментаў я падрыхтавала 4. І пры гэтым за раз мы іх не правялі. Расцягнулася гэта гульня аж на тыдзень. То не было пад рукой неабходных матэрыялаў, то трэба было чакаць, каб атрымаць вынік, то, увогуле, не хапала часу. Можа гэта і добра. Сыну вельмі падабалася і праводзіць даследванні, і назіраць за вынікамі.

Эксперымент №1: Змешванне колераў

Неабходные рэчы:

- 6 аднаразовых шкляначак (мы ўзялі 6 маленькіх слоікаў ад дзіцячага пюрэ) – забягаючы наперад скажу, што неабходна, каб яны былі аднолькавага памеру;

- харчовыя фарбавальнікі трох асноўных колераў (чырвоны, жоўты и сіні) – таксама дапоўню – лепш брать усе тры фарбавальнікі адной фірмы і аднаго тыпу (альбо ўсе сухія, альбо ўсе вадкія)

- 6 адрэзаў бінта (даўжыня, як дзве высаты вашых шкляначак) Яны павінны даставаць ад дна адной шкляначкі да дна другой.

Ход работы:

1. У трох шкляначках разводзім харчовыя фарбавальнікі . Абавязкова сочым, каб узровень каляровай вады і канцэнтрацыя фарбавальніка ва ўсіх трох шкляначках былі аднолькавыя.

Мая памылка - чырвонага фарбавальніка у выглядзе парашка я не знайшла і выкарыстала вадкі. Рэзультат - я не змагла разлічыць канцэнтрацыю, каб яна была аднолькавая для ўсіх...

Мая другая памылка - было толькі 5 аднолькавых слоікаў і шосты я ўзяла трошкі іншы. У выніку каляровая вадкасць з гэтага слоіка не так хутка перамяшчалася, як з іншых і не давала нагляднага выніку пры змешванні

Гэта пачатак эксперыменту

2. Расстаўляем шкляначкі па крузе, чаргуючы пустыя и напоўненыя;

Тут здаецца ўсё проста

Гэта шкляначкі ўжо пасля трэцяга кроку, аднак выкладваю для нагляднасці ў гэтым, каб было зразумела як расстаўляць

3. Паміж кожнымі двума суседнімі шкляначкамі размяшчаем адзін адрэз бінта;

Бінты такія

Вынікі:

У канцы эксперыменту колькасць вады ў кожнай шкляначцы стала аднолькавай і ў шкляначках (пустых першапачаткова) мы ўбачылі сумесь колераў (напрыклад, паміж шкляначкай з чырвонай і сіняй фарбай з'явілася шкляначка з зялёнай)

Тут добра бачна маю памылку - праз тое, што канцэнтрацыя чырвонага была большая, аранжавы колер не атрымаўся...

У цэлым, вынікі гэтага эксперыменту расцэньваю станоўча. Было цікава назіраць, як вада перацякае з слоіка ў слоік (сын вельмі сумняваўся, што гэта адбудзецца). І паназіралі за спалучэннямі колераў.

Эксперымент №2: Расфарбованыя кветкі

Неабходные рэчы:

- харчовыя фарбавальнікі (мы бралі чатырох колераў (чырвоны, жоўты, зялёны і сіні);

- 4 аднаразовыя шкляначкі (альбо шкляначкі ад ёгурта, альбо маленькіх слоікаў ад дзіцячага пюрэ). Мы ўзялі адразу слоікі з папярэдняга эксперыменту з разведзенымі фарбавальнікамі;

- 4 белых кветкі (мы бралі 4 ліста пекінскай капусты).

Ход работы:

1. У чатырох шкляначках разводзім харчовыя фарбавальнікі;

2. У кожную шкляначку ставим 1 белую кветку (альбо ліст пекінскай капусты).

Вынікі:

У канцы эксперыменту лісты набралі каляровую ваду і расфарбаваліся. Вельмі яркі і наглядны вопыт атрымаўся.

Працяг нашых каляровых эксперыментаў тут