Туган телләр һәм халыклар бердәмлеге елы уңаеннан Карадуган балалар бакчасында район семинары, гимназиядә мәгариф оешмалары җитәкчеләре семинарының пленар утырышы узды. Семинарга килүчеләр игътибарына дәресләр дә, дәрестән тыш эшчәнлек тә тәкъдим ителде. Карадуган гимназиясендә узган семинарның икенче өлеше «Укучыларның функциональ грамоталыгын формалаштыруда идарә итү алымнары» дигән тема астында узды. Семинар эшендә Балтач муниципаль район башлыгы Рамил Нотфуллин һәм Балтач районы башкарма комитеты җитәкчесе Айдар Хәйретдинов катнашты.
@kaytavaz_baltasi
Бакый Зыятдинов исемендәге Карадуган гимназиясендә район мәгариф оешмалары җитәкчеләренең семинар-киңәшмәсе узды. Секцияләр иртәдән гимназиядә, Таузар балалар бакчасы-башлангыч мәктәбе һәм Карадуган балалар бакчасында башланды. Пленар утырышта муниципаль район башлыгы Рамил Рашит улы Нотфуллин, район башкарма комитеты җитәкчесе Айдар Фоат улы Хәйретдинов катнашты.