Узган тәүлектә Балтачта коронавирус йоктыруның яңа бер очрагы теркәлгән.
Татарстанда 86 яңа COVID-19 очрагы теркәлгән, шуларның 2се – читтән кертелгән, 84е – элемтә юлы белән. 31 кеше хастаханәгә урнаштырылган, 55 кеше өйләрендә дәвалана.
Статитстика мәгълүматлары урта яшьләрдәге кешеләрнең күбрәк чирләвен күрсәтә, узган тәүлектә 30 яшьтән 50 яшькә кадәр 26 кешенең ковид-19 йоктыруы мәгълүм булды. 18 яшькә кадәр 5 балада да яңа таҗлы вирус табылган.
Иң күп авыртучылар гадәттәгечә Казан шәһәренә туры килә (43 кеше), Яр Чаллыда - 8, Актаныш районында - 6, Нурлат районында - 4, Түбән Кама, Баулы һәм Лаеш районында - өчәр, Алабуга, Питрәч, Мамадышта - икешәр, Аксубай, Алексеевск, Балтач, Бөгелмә, Югары Ослан, Биектау, Лениногорск, Менделеевск, Мөслим һәм Чистайда берәр очрак расланган.
1 нче февральгә Татарстанда барлыгы 16 132 COVID-19 очрак теркәлгән, 12 623 кеше, шул исәптән 98 кеше узган тәүлектә сәламәтләнгән.
"Спутник V" вакцинасы белән 12 937 кеше вакциналаштырылган, шуларның 2 599ы икенче дозаны да кадаткан. Республикада 33 242 доза комплектының 38,9%ы (+19 800) файдаланылган.
Вакцинацияләүгә язылу өчен бердәм номер -122.