Күпләрне канализация люгын кайчан ябарлар икән, дигән сорау борчый. Янәшәдә бит балалар бакчасы һәм гимназия урнашкан.
“Балтач гимназиясенә балаларын машина белән йөртүчеләр көн дә бер күренеш белән очраша. 5 номерлы балалар бакчасы тирәсендә урамдагы люк башта ачык торды, хәзер япканнар инде, әмма тиешле таләпләр буенча түгел, ник шуны әйбәтләп ябып куймыйлар икән? Күпләрнең машина тәгәрмәче тишелә. Транспорт өчен генә түгел, балалар өчен бик куркыныч”, дип шалтырата сайт укучыбыз.