Башкортстанда танылган шәхес – Салават дәүләт башкорт драмтеатры актрисасы, атказанган артистка Нәркәс Юмагузина вафат. Аңа нибары 39 яшь булган, дип яза newsbash.ru.
Актрисаның башында яман шеш табыла, ул 2 операция кичерә. Коллегалары, аның гомерен саклап калу өчен, реабилитациягә акча җыю оештыралар. Әмма аны саклап кала алмыйлар...
Актрисаның ире Мирас Юмагузин да Салават театрында эшли. Нәркәснең ике кызы – 14 яшьлек Тансулпан һәм 11 яшьлек Алтынай ятим калганнар. Актрисаны туган ягында – Баймак районында җирлиләр.
Нәркәс Юмагузина комедияле, лирик, трагик рольләрне башкарган. Мәдәният министрлыгы мәрасимендә аның театр тормышында гына түгел, шәһәр яшәешендә дә катнашуын, саф, битараф булмаган, башкаларга ярдәмчел шәхес булуын билгеләп үткәннәр.
Артистканың якыннарының кайгысын уртаклашабыз.