Yevropa futbolini kuzatib boruvchilar orasida albatta transferlar haqidagi xabarlar qiziqarli mavzudir. Va bu turdagi xabarlar ichida siz albatta Fabritsio Romano ismini o'qiysiz. Fabritsio haqidagi qiziqarli faktlar:
1. U 19 yoshidan beri Sky Sports Italia nashrida ishlab kelmoqda va bundan tashqari inglizlarning The Guardian nashrida ham faoliyat yuritadi.
2. Ilgari u o'zidan oldingi top insayder - Janluka di Martsio qo'l ostida ishlagan.
3. Uning tvitter akkauntida 13,4 milliondan ortiq obunachisi bor. Tvitlarining 90%i insayd xabarlardir. Har bir tviti o'n minglab layk yig'adi.
4. Instagram sahifasida 12,9 million obunachisi bor.
Xo'sh, biz nega aynan uning ma'lumotlariga ishonishimiz kerak?
Romano har bir insaydni e'lon qilishdan avval juda qattiq tekshiruvdan o'tkazib oladi.
O'zining ta'biri bo'yicha u har bir tvitidan oldin o'sha ma'lumotni kamida 3 ta manba orqali tekshirib olar ekan. Misol uchun, Olivye Jiru "Chelsi"ni tark etayotgan vaqti juda ko'p nashrlar uning keyingi klubi "Inter" bo'ladi deya yozishgan edi. Fabritsio esa o'sha vaqtda hech qanday ma'lumotni tvit qilmadi. Chunki, hech qaysi manba bu transfer sodir bo'lishini tasdiqlamagan edi.
Oxir-oqibat Jiru "Milan" safiga borib qo'shildi.
Romano odatiy ish kunida kamida 50 ta qo'ng'iroqnni amalga oshiradi. U o'zi uchun ish tartibini tuzib olgan:
1. Avvalo, u agentlar bilan qo'ng'iroqlashadi. Chunki eng ishonchli manba - agentlardir.
2. Agar agentlar ma'lumot bilan bo'lishishni istashmasa, unda, u klublar rahbariyati bilan, asosan, sport direktorlari bilan bog'lanadi. "Inter" sport direktori Pyer Auzilio Romano bilan ish olib borish zavq bag'ishlashini ta'kidlashdan charchamaydi.
3. Eng oxirgi navbatda Fabritsio futbolchilarning o'zi bilan bog'lanadi. Lekin, Romanoning bir gapi bor: "futbolchilardan insayd olish juda mushkul ish, ular ko'pincha o'z kelajaklari haqidagi qarorlarda oxirgi va asosiy qaror chiqaruvchi. Shu sababdan ular yoki hech narsadan xabari bo'lmaydi yoki bu haqida gapirishni istashmaydi."
Bunday ishlash uslubi asosan Italiyadan tashqarida sodir bo'luvchi transferlar chog'ida qo'llaniladi. Agar OAVda A seriya klublaridagi transferlar haqida yozishda, unda, Fabritsio shaharma-shahar yurib, klublar bazasiga, mehmonxonalarga yo'l oladi. Bu albatta futbolchi va klublar vakillari bilan yuzma-yuz suhbat qurish uchun kerak.
"Transferlar oynasi - jungliga o'xshaydi. Hamma narsa sodir bo'lishi mumkin. Bu xuddi Chempionlar ligasi bahsidek gap. Har bir transferga alohida tayyorlanish lozim, axir, hech qaysi muhim xabarni o'tkazib yubormaslik juda muhim." Transferlar oynasi ochilgan vaqtda Romano sutkasiga ko'pi bilan 5 soat uxlab olishi mumkin. Fabritsio Milanda istiqomat qiladi va bu shaharni "Italiya va butun Yevropa transfer bozori markazi" deb ataydi.
"Bilasizmi, hamma transferlar ham klub bazasida amalga oshirilavermaydi. Klub va futbolchilar vakillari istalgan joyda transferni muhokama qilishlari mumkin: mehmonxonalar yoki restoranlarda. Shu sababli biz bir joyda o'tirib ishlash nimaligini allaqachon unutib yuborganmiz.
Ba'zida bir ma'lumotni olish uchun kuniga 9 soatlab vaqt sarflashimiz va hech narsani bilib ola olmasligimiz mumkin. Shunday vaziyatlar bo'ladiki, sen shunchaki bir manzilga kelib, uchrashish orqali transfer haqida hamma narsani bilib olishing mumkin bo'ladi. Mino Rayola va Pogba bu borada juda samimiy edilar."
Romanoning ta'kidlashicha transfer jarayonlari juda murakkablashib ketgan. Ilgarilari klublar va futbolchilar transfer haqida bir haftada kelishib olishlari mumkin edi va shu bilan transfer amalga oshar edi. Hozir esa bunga oylab vaqt ketadi. Bunga sabab - kelishib olish kerak bo'lgan detallarning ko'payganligi. Masalan, "Ayaks" futbolchisi Matteys de Lihtning transferi birgina agentga to'lanadigan komissiya to'lovini kelishib olish uchun bir oy vaqt ketgan.
Fabritsio Romano eng birinchi xabar bergan top transferlar:
Kristian Eriksenning "Inter"ga o'tishi. Romano bu transfer haqida eng birinchi xabar bermadi, lekin, transfer tafsilotlari haqida eng birinchi bo'lib yozdi.
Brunu Fernandeshning "MYu"ga transferi. Rasmiy e'londan bir kun avval e'lon qildi.
Krishtianu Ronalduning "Yuventus"ga kelishi. Aynan shu xabar tufayli Fabritsio OAVda eng ishonchlilar qatoriga qo'shildi.
Romelu Lukakuning "Inter", "Chelsi", "Inter" yo'nalishi.
Leroy Sanening "Bavariya"ga o'tishi.
Romano haqida o'ziga xos ma'lumotlar:
"Here we go" shiori. Bu ijtimoiy tarmoqlarda juda ommalashib ketishga ulgurdi.
Ish faoliyati boshida "Barselona" rahbariyati shaxsan Romanoga aloqaga chiqishdi va klub akademiyasidagi ikki yosh iqtidorlar - Mauro Ikardi va Jerar Deulofeularning keyingi klublariga transferlari haqida aynan unga ma'lumot berishdi.