Җырчы Азат Фазлыев хатыны Алсу Фазлыева белән бергә төшкән фотоны социаль челтәрдәге сәхифәсенә урнаштырып, ир һәм хатын мөнәсәбәтләре турында фикерләре белән уртаклашкан.
«Ир-ат мөнәсәбәтләрнең башында үзенең нинди булганын онытырга тиеш түгел. Аны сөйгәне нәкъ менә шушы сыйфатлары өчен сайлады да бит инде. Яратуы, игътибары өчен... Хатын-кызга да нинди булганын онытырга ярамый. Шат күңелле булуы, янып торган күзләре, матур киенүе белән җәлеп иткән иде бит ул ир-атны...
Яши-яши, без үзгәрәбез, мөнәсәбәтләр дә үзгәрә... Бер-беребезгә карата игътибар азая, сөйгәнебезгә карап сокланмыйбыз, назлы сүзләр әйтмибез, элеккеге кебек узган-киткән саен кагылып үтмибез...
Бергә фото-видеоларга төшегез. Бәхетле мизгелләрне истә калдырырга тырышыгыз. Әле бер-берегезгә карата мәхәббәт бөреләнә генә башлаган чорда нинди булуыгызны искә алыгыз. Һәм якын кешеләргә көнгә бер генә булса да: «Мин сине бик нык яратам», – дип әйтегез», – дип киңәшләрен язган 3 бала әтисе шәхси аккаунтында.
«Маладис, Азат», «Дөрес сүзләр», «Гаиләң өчен янып торасың, сокланам сиңа», «Матур пар сез, гаиләгезгә иминлек, тигезлек телим...» – дип комментарийлар калдырган җырчының виртуаль дуслары.
«Ярар, Азат, шулай итәрбез, онытмасак», – дип шаярткан Азатның сәхнәдәше, җырчы Рифат Зарипов та. Аңа җавап итеп Азат үзе: «Онытма», – дип көлгән.
Фотолар: Азат Фазлыевның социаль челтәрдәге сәхифәсеннән