Тармоқларда Lacetti ва Cobalt AТ автомобилига тўлов қилиб кутаётган мижозларга автомобиль оддий дискда ва ABSсиз вариантда таклиф қилинаётгани тўғрисида хабарлар тарқалди.
Vodiy1.uz ушбу хабарга аниқлик киритиш мақсадида соҳа мутасаддилари билан боғланди.
Уларнинг маълумот беришича, ҳақиқатан ҳам олдиндан пул тўлаб қўйган ва автомобиль олиш навбати келган мижозларга Cobalt AТ автомобилини оддий дискда ва ABS сиз вариантда таклиф қилинмоқда. Ушбу таклифга рози бўлган мижозлар учун мавжуд тайёр автомобиллардан тақсимланади. Таъкидланишича, бунда мижозларга орадаги тўлов фарқи қайтариб берилади.
Ушбу таклифга рози бўлмаганларга шартномада кўрсатилган вариантдаги автомобиллар тайёр бўлган вақтда етказиб берилади.