Қызыл кітапқа енген аң - құстары біз қорғай аламыз ба?
Ақпараттар ағыны мен ғаламтор тасқыны жайлаған қоғамда өмір сүру – біз , адамзат баласы , үшін көптеген ғаламдық мәселелермен теке тірес өмір сүруге әкелді. Соңғы кезде адамдар мейірімділік туралы көп айта бастады, әйтсе де мейірімі азайды. Адамдар осыдан 50 жыл бұрынғы тіршілігінен әлдеқайда озық, қолайлы өмір сүруде, әйтсе де ашкөздігі толастамады. Сондықтан жануарлар мен өсімдіктер зардап шегуде. Осы жайттар менің жас жанымды жаралайды. «Қызыл кітапқа» енген аң-құстарды, өсімдіктерді қалай қорғауға болатыны туралы терең ойлануға жетелейді.
Біз және біз сияқты миллиондаған адамдар комфортты өмір сүруге ұмтылдық.Зәулім ғимараттар бой көтеруі аздай, барша адмамдардың кең, жарық, заманауи үйлерде өмір сүруге ұмтылуы - өсімдіктерді шаруашылық қажеттілігі үшін бей-берекет кесуге алып келді. Қазақстан Республикасында шыққан Заңдар мен бұйрықтар орындалуы керек деп есептеймін. Бүгінгі күні көпшілік арасында «әкім қайда қарап отыр?» деген фразаны бала болсам да жиі естимін. Бұл біздің жасыл әлемді ғана емес, барша адамзатты құртып жіберуге жарайтын дақпырт. Сол себепті өсімдіктер әлемін инспектор қорғау керек деп отырмау керек. Білек сыбанып, көктем сайын қылтиып , жаңа өмір жаршысына айналған жасыл әлемге қамқор болуымыз керек. Топырақ пен тасты жарып шыққан қызғалдақ целлофан дорбаны жарып шығуға шамасы келмейді. Менің бірінші жұмысым да осы целлофан дорбалардың табиғатқа зияны тимеуі үшін дәл бүгіннен бастап барлық достарыма, чаттарға үндеу тастаудан басталады.
Сенатор Мұрат Бақтиярұлының мәліметіне сүйенсек: «заңсыз аң аулаушылар «Қызыл кітапқа» енген аң-құсты аулау кезінде олардың арнайы кітапқа енгенін , ерекше қорғауда екенін біле тұра, табиғатқа залал келтіруге тырысады» екен. Бұлай жалғаса берсе 2018 жылмен салыстырғанда, 2019 жылдың көктеміт аралығындағы 1 жылдың ішіндегі ғана еліміздегі құстардың 2 миллионға азайып кетті деген қорқынышты мәліметі одан сайын жоғарылап кетпеуіне кім кепіл...Мен әлемге мейірімді болуды ұсынамын. Түлкі құлпырған терісі үшін, киік терісі үшін, бекіре уылдырығы үшін, аққу өті үшін зардап шекпеу керек деп есептеймін. Броконьерлерге Қазақстан Республикасының 339-бабына сәйкес жазаны қолдану керек.Меніңше, олар ескертумен шектеліп қана жүр. Заң жаза қолданса, көп ұзамай құрықталады , ойланады емес пе? Оларға мейірімділік пен қанағат туралы үндеу жасауға әзірмін.
«Қызыл кітапты» құшақтап қалу...Не деген қорқынышты ой. Халықаралық деңгейде қорғалып жатқан аң-құс, өсімдіктерді өзіміз өз елімізде қорғамау елдігімізге сын. Мен таңдауымды жасадым. Қатарыма достарымды шақырамын. Достарымның ата-аналары, дәрігерлері, шаштараздарына дейін назарымда. Мен оларға мейірім мен қанағат туралы айтудан жалықпаймын.