Сау халықтан сау ұрпақ
Дені сау адамнан дені сау ұлт қалыптасады. Сол себепті елімізде ұлт денсаулығына ерекше басымдық берілетін қолдаулар мен бағдарламалар өте көп. Деніміз сау болу – мемлекеттің ғана еншісінде ме, өз қолымыздан не келеді?
«Аурып ем іздегенше, ауырмайтын жол ізде» дейді халық даналығы. Жұғымды, сапалы тамақтану , салауатты өмір салтын ұстанып, таңертеңгілік жаттығу жасау, таза ауада, күн астында көбірек болу - ауырмайтын жолдың ең маңызды сүрлеулері. Қазіргі таңда адамдар стреске бейім өмір сүріп жатқаны да аян. Бұл фактор да өз кезегінде бірнеше дерттің ауыздығын ашары сөзсіз. Олай болса, әрқайсымыз өз өмірімізге позитивті өмір сүруді енгізгеніміз жөн.
«Біздің денсаулығымыздың оннан тоғызы денсаулығымызға байланысты» деген екен Артур Шопенгауэр. Бақытты болу он қадамнан тұрса, оның тоғыз қадамы денсаулыққа байланысты болса, ең бастысы – денсаулық екен ғой деген ой санамда қыттықтайды. Демек, ұлт саулығы – болашақ мемлекет негізі екен ғой. Сөйте тұа денсаулық бар кезінде неге қадірсіз екен ? Сондықтан болар, денсаулығымызға зиян фасфудтар мен қанты жоғары сусындардан бас тарта алмайтынымыз. Сондықтан болар өзімізден үлкендердің алкагольдік өнімдер мен темекіден бас тарта алмайтыны. Сондықтан болар бәз біреулердің бір минуттық рахатқа бола нашақорлықтың соңында кететіні.Олай болса, денсаулығымызды күтіп, күтуді үйреніп , бақытты болғанымыз нұр үстіне нұр болар еді.Өйткені, біздің денсаулығымыз өзімізге ғана емес, мемлекетіміз үшін де маңызды. «Мың өліп, мың тірілген» қазағым, денсаулығына бола кезекті «мың өлуді» басынан өткермеуі керек.
Жаңа әлемдегі жаңа Қазақстанға дені сау ұлт керек. Сол себепті, ұлт саулығын арттыратын қолымызда бар бағдарламалардың нақты халық үшін, ұлт үшін жұмыс жасауына жұмылғанымыз дұрыс. Бірігіп, бірлесе жүріп, жаман әдеттен арылып,ұлтымыздың бақытты болуына қолдау көрсетіп, үндегеніміз абзал. Сонда халқымыздың болашағы жарқын.