Гуканне вясны
Гукаць вясну, а значыць, запрашаць вясну і цяпло, пачыналі ў пачатку сакавіка. Гукаць вясну выходзілі на высокае месца, дзе палілі агонь, спявалі загукальныя песні. Дзяўчаты спявалі песні і падкідвалі ў гару печыва. Гэта павінна было вызваць першых вестуноў вясны – жаваранкаў, кулікоў.
Вялі́кдзень, Па́сха, Светлае Хрыстова Уваскрэсенне — галоўная падзея царкоўнага календара, найстаражытнае і найважнейшае хрысціянскае свята.У дзень Вялікадня вернікі адзначаюць уваскрасенне Хрыста з мёртвых і перамогу жыцця над смерцю і злымі сіламі. Галоўным сімвалам свята з’яўлялась яйка, якое лічылася крыніцай вечнага жыцця, прадаўжэння чалавечага роду.
У наш час дата Вялікдня ў кожны год разлічваецца паводле месяцава-сонечнага календара, што робіць Вялікдзень пераходным святам.
Сёмуха– свята найвышэйшага росквіту прыроды. Святкавалі ў нядзелю ў канцы сёмага тыдня пасля Вялікадня. Гэта свята – гімн маці-прыроды, якая знаходзіцца у гэты час у самай моцнай зялёнай магічнай сіле. На Сёмуху людзі збірлі травы, упрыгожвалі пабудовы зелянінай, сцежку да дома папарна абстаўлялі бярозкамі. Абавязковай стравай была яешня, дзяўчаты пяклі яе у лесе на вогнішчы, і ўсе павінны былі пакаштаваць, бо гэта давала здароўе іх дзеткам.