1️⃣ Tafakkur o'yinlari (2001)
Matematik daho Jon Forbs Nesh matematika fanini boshdan oyoq o'zgartirib tashlab, unga xalqaro shon-sharaf olib keladigan o'yin nazariyasi sohasida ulkan ishni amalga oshiradi. Shu bilan birga, takabbur va muvaffaqiyatli Nesh o'z hayotini butunlay o‘zgartirib tashlaydigan taqdir zarbasiga duch keladi.
2️⃣ Ijtimoiy tarmoq (2010)
Garvard universitetidagi ikki do'stning ijtimoiy tarmoq loyihasi ularning hayotini butunlay o'zgartirdi: qisqa vaqt ichida xalqaro shov-shuvga aylanib, ularni Qo'shma Shtatlardagi eng yosh millionerlari qildi. Ularga muvaffaqiyat, mashhurlik va e’tirof keladi. Ammo do‘stlar o‘rtasida ko'plab yangidan-yangi to'qnashuvlar kelib chiqaveradi va oldingi do‘stlikdan faqat eski xotiralar qoladi: “500 million do‘stni bitta ham dushman orttirmasdan topish mumkin emas”.
3️⃣ Stiven Xoking koinoti (2014)
Filmda buyuk fizik Stiven Xokingning va uning rafiqasi hayoti haqida hikoya qilinadi: hayotning barcha qiyinchiliklaridan qanday qilib birgalikda o‘tib borish va yaqinlarning sevgisi va qo'llab-quvvatlashi qanday ajoyibotlar yaratishi mumkinligi haqida so‘z yuritadi.