24 февральдан соң мин һәр көн үзанализны ясыйм. Нинди мотивацияләрем бар, нинди югала бара, нинди барлыкка килә.
Шул датага кадәр минем мотивациям бик гади иде: проактив булган, "охранительный" булмаган кеше ул борынгы бабалардан мирас булып калган тренд. Аңлаттырам. Традиция-гореф-гадәт-йола әйткәндә, аларга үзләренә түгел, ә аларның гасырдан гасырга үзгәреп торганда ниләр үзгәрмичә кала торганга игътибар бирергә кирәк.
Ә ул бер генә нәрсә: кырыс, проактивларның җене сөймәгәннәр гасырдан гасырга бетә баралар. Үз үзләрен кырып бетерә баралар. Чөнки "без проактивларны үтерәбез" дигәндә алар чыннан күбрәк үзләрен яки юаш буйсынган халыкны бетерәләр, проактивларны очраклы рәвештә, ә үзенне дә юаш буйсынган кара халыкны - систематик рәвештә. Һәр сугыш - ул шундый баскычта өскә таба бер адым, аска түгел. Менә шундый ул, кешелеккә дә, аерым әдәм баласына язылган яшәү рәвеше. "Охранитель"ләр белән юаш халыкның нәтиҗәдә, "ассимптота сыман" юк итәсе, бетәсе фараз ителгән. Шуны алар гына аңла алмыйлар икән.
Ул хәлдән бер генә нәтиҗә, бугай: проактив булыгыз. Нәрсә икән ул проактив? Проактивның һәр хәлдә "дөнья миңа проблема җибәргән, ничек чишим" дигәне урынына "миннән дөньяга нинди этәргеч булыр" дигәне бар. Проактивлар кем? Яңаны уйлап табучылар, эшмәкәрләр, кризиста кызык чишеш тапканнар. Хәзерге заманча экономика проактивларның җилкәсендә тора. "Охранительный" кешеләрнең башлыгының боерыкларын үтәүдә түгел. Проактивлар боерыклар үтәгәндә бернинди үз инциативаны кертә алмасалар, боерыкны дә үтмиләр. Чыннан да, глобаль тренд ул "проактивларның һәр капризын үтәве", барыбер алар үзе үз капризларны тормышка ашыралар, аларга уңайсызламаска гына кирәк.
Ләкин! Үземә карап, көннән көнгә яңа фикерне, яңа мотивациясезлегемне табам! Хәзер проактивларга да эшләргә авыррак инде. Кечкенә бер фикер, шуннан файдаланып, башымның уртасына төбәлә:
Ташла инде син үзенең проактивлыгын! Ял ит, ирен, җебен инде син! Сиңа үзенә генә кызык булган нәрсәләргә бирел, ә "дөньяга этәргеч бирү"дән тукта, дөнья синнән алырлык хәлдә түгел хәзер! Ул чыннан да шикләндерүче фикер. Чөнки ул күптән ташланган хыялларыма дәшә. Аларны тормышка ашырырга өмет бирә.
Ул йөрәк җавабы. Ә баш һичшиксез белә: андый шикләр "охранитель"ләр тегермәненә су коя.
Әгәр "юаш" халык чыннан да "юаш" түгел, ә шулайрак проактивлыктан читләшкән, үз хыялларга карый башлаганнар булса?