Tovuq bilan makaron
MASALLIQLAR:
Makaron — 250 g
Tovuq filesi — 400 g
Shampinyonlar — 400 g
Piyoz — 1 dona
Qaymoq 10% — 500 ml
Sarimsoq — 4 bo‘lak
Tuz — 1 choy qoshiq
Yanchilgan qora murch — 1 chimdim
Quritilgan jambil — 1 choy qoshiq
Zaytun yog‘i — 2 osh qoshiq
Tayyorlash bo‘yicha bosqichma-bosqich retsept:
1. Makaronlarni tuz qo‘shilgan va qaynab chiqqan suvga solib, tayyor bo‘lgunicha qaynating.
2. Tovaga zaytun yog‘ini quyib, kubik shaklida to‘g‘ralgan piyozni bir necha daqiqa davomida qovuring.
3. Kichik bo‘laklarga ajratilgan tovuq filesini qo‘shib, aralashtirib turgan holda yana bir necha daqiqa qovuring.
4. Shampinyonlarni yuqa plastina shaklida kesib oling.
5. Qo‘ziqorinlarni tovadagi qovurmaga qo‘shib, ular qizarguncha — taxminan 5-7 daqiqa qovuring.
6. Qo‘ziqorin va tovuq qizargach, tuz, murch, jambil, mayda to‘g‘ralgan sarimsoqni qo‘shib, 1 daqiqa qovuring.
7. Ustidan qaymoqni splib, qaynatib oling.
8. Qo‘ziqorinli tovuqqa pishgan makaronlarni qo‘shib aralashtiring va yana 30 soniya pishiring.
9. Qaymoqli sousdagi tovuq va qo‘ziqorinli makaron tayyor.
Makarondan tezkor zapekanka
MASALLIQLAR:
• makaron — 200 g
• suv — 250 ml
• sut — 250 ml
• karbonad — 200 g
• pishloq — 100 g
• tuz — 1/2 choy qoshiq
• makaron uchun ziravorlar — 1 choy qoshiq
• yanchilgan qora murch — ta’bga ko‘ra
Tayyorlash bo‘yicha bosqichma-bosqich retsept:
1. Karbonatni somoncha shaklida to‘g‘rang. Pishloqni yirik tishli qirg‘ichdan o‘tkazing.
2. Tovani sariyog‘ surtib, unga makaronni soling. Ustidan karbonatni seping.
3. Qiyomini tayyorlash. Suv bilan sutni quyib, murch, ozgina tuz seping, 1 choy qoshiq makaron uchun ziravordan qo‘shing. Hammasini aralashtiring.
4. Tayyorlangan qiyomni makaron bilan karbonat ustidan quying. Ustiga qirg‘ichdan chiqarilgan pishloqni seping.
5. Tovani folga bilan yoping. 220°C gacha qizdirilgan pechda taxminan 30 daqiqa davomida pishiring. Suyuqlik qaynab chiqishi shart. Keyin folgani olib tashlab, 180°C da yana 15 daqiqa pishiring.
6. Mazali va ishtahaochar makaronli tezkor zapekanka tayyor.
Tomat sousidagi frikadellar va makaron
MASALLIQLAR:
Makaron — 200 g
Mol go‘shti qiymasi — 250 g
Piyoz (o‘rtacha) — 2 dona
Sarimsoq — 4 bo‘lak
Tuxum (sarig‘i) — 1 dona
Tomat pastasi — 2 choy qoshiq
O‘simlik yog‘i — 3 osh qoshiq
Tuz — ta’bga ko‘ra
Yanchilgan qora murch — ta’bga ko‘ra
Barra ko‘kat (bezak uchun) — 1–2 dona
Tayyorlash bo‘yicha bosqichma-bosqich retsept:
1. Qiymaga mayda qirg‘ichdan o‘tkazilgan piyoz va sarimsoqni, shuningdek, tuz, murch hamda tuxum sarig‘ini qo‘shib aralashtiring.
2. Mayda to‘pchalar yasab, ularni tovada har tomonini 7 daqiqadan qovurib oling.
3. Makaronlarni tuz qo‘shilgan va qaynab chiqqan suvga solib, tayyor bo‘lgunicha qaynating.
4. Tayyor to‘pchalarni tarelkaga oling. Tovaga kubik shaklida to‘g‘ralgan piyozni solib qovuring.
5. Qovurilgan piyozga tomat pastasi va maydalangan 2 bo‘lak sarimsoqni qo‘shing. Ozgina suv solib, ikki daqiqaga dimlab qo‘ying.
6. Pishgan makaronlarni tovaga solib, ularga to‘pchalarni qo‘shing va yana ikki daqiqaga dimlang. Taom tayyor.