Батырларыбызның исемнәрен мәңгеләштерү, "Батырлар аллеясы" паркын тагын да эчтәлеклерәк, тулырак итү максатыннан, "Хәтер тактасы" кую планлаштырыла.
Бу катлаулы, әмма гаять әһәмиятле эшне башкарып чыгу өчен райондашларыбыз ярдәме кирәк булачак. Материал туплау өчен сугышта катнашкан туганнарыгыз, якыннарыгыз турында мәгълүмат бирү таләп ителә. Булган белешмәне шушы атнадан да соңа калмыйча авыл җирлеге китапханәләренә һәм Балтач район үзәк китапханәсенә тапшыра аласыз. Тулырак мәгълүмат алу өчен һәм сораулар буенча түбәндәге телефон номеры аша шалтырата аласыз: 2-59-31 (Резеда Мөдәрисовна, Үзәк китапханә директоры).
Гөлзидә Газизуллина