Мемлекеттік тілге сұраныс туғызып, қазақстандық әрбір азаматты отансүйгіштікке тәрбиелеп, қоғамдық мүддені, жеке бастың мүддесінен жоғары қою үшін, Ұлттық Мемлекет құру қажет. Ол үшін, бірінші кезекте келесі шараларды іске асыру керек.
1.Іс жүргізуді толық мемлекеттік тілге көшіру керек.
Осы уақытқа дейін іс жүргізу орыс тілінде жүргізіліп келуіне байланысты, бұл шара өте күрделі. Сондықтан, мемлекеттік тілдің деңгейін көтеруге әрбір мемлекеттік қызметкерді ынталандыру үшін, еңбек ақы мөлшері, мемлекеттік қызметкерлердің, мемлекеттік тілді меңгеру деңгейіне сай тағайындалуы қажет. Мемлекеттік тілді жетік білмейтін қызметкерлерге әрбір үш ай сайын емтихан тапсыруды жүктеу қажет. Екі жылдың ішінде мемлекеттік тілді жетік меңгермеген қызметкерді, мемлекеттік қызметтен босату қажет.
2.Барлық мектептерде білім беру 5 сыныпқа дейін тек қана мемлекеттік тілде, мемлекет құраушы қазақ халқының әдебиеті, мәдениеті негізінде жүргізілуі керек.
Бұл шара мемлекеттік тілді меңгеруді қамтамассыз етумен қатар, басқа этнос өкілдерінің құқығын, мемлекет құраушы ұлттың құқығымен теңестіреді. Мысалы, мемлекеттік тілді меңгерген кез келген азамат, олардың қандай этностан шыққанына қарамастан мемлекеттік қызметке қабылданатын болады.
Бұл шаралардың негізгі жетістігінің бірі, қазақстандық әрбір азамат, мемлекет құраушы ұлт мәдениеті негізінде тәрбиеленгендіктен этнос аралық араздық болмайды.
3.Қазақ тілі, әдебиеті, тарихы, орта, арнаулы және жоғарғы оқу орындарының барлығында оқытылып, міндетті мемлекеттік емтихан қабылдануы керек.
4.Ғылыми жұмыстар мемлекеттік тілде жазылып, қорғалуы керек. Ғылым, оның ішінде техникалық сала күрделі болғандықтан, бұл шараны зертеуге және іске асыруға 5 жыл уақыт бөлу қажет.
(Жалғасы бар).
Оян, Ұлы Елдің Ұрпағы!
«Оян, Ұлы Елдің Ұрпағы!» Ұлттық қозғалысы
Қозғалысқа қосылыңыздар!