«Цифрлы азаматтық» инновациялық шешімдер конкурсының қазылар алқасы мен ұйымдастырушылары коронавирус індетінің нәтижесінде аса қатты зардап шеккен салалардағы ең тиімді және пайдалы жобаларды таңдап алды. Конкурстың жалпы гранттық қоры 6 млн теңге.
Шараға демеушілік жасағандар: SecDev Foundation, Сорос-Қазақстан Қоры және Касперский зертханасы. Конкурс 24 сәуірден бастап 15 мамырға дейінгі кезеңде өтті. Жалпы алғанда 254 адамды құраған командалардан 107 өтінім түсті. Қазылар алқасы конкурстың міндеттеріне сай келетін 15 жобаны таңдап алып, олардың авторларымен питчинг өткізді.
Сонымен, қаржылық қолдау көрсетуге арналған жобалар:
- орта және жоғарғы оқу орындарында әртүрлі тесттерді, сондай-ақ тесттердің басқа да түрлерін өткізуге арналған онлайн-платформа. Команданың өкілі - Мирас Советов;
-supermomsclub.app - жүктілікті жүргізуге арналған қосымша. Жүкті немесе жүктілікті жоспарлап отырған әйелдер дәрігерлерден кеңес сұрап жүгіне алатын және өзге пайдаланушылармен кеңестерімен, ұсыныстарымен бөлісе алатын әлеуметтік желі. Команданың өкілі - Азат Хайрикенов;
- Онлайн-мектептерді ашуға және басқаруға арналған SAAS-сервисі. Команданың өкілі - Дакар Давлетов;
- «Цифрлық инклюзия» - мүгедектігі бар тұлғаларға арналған ақпаратқа қол жеткізу. Жобаның мақсаты - мемлекет пен қоғамды Казнеттің қолжетімділігін қамтамасыз етуге қажетті шаралар мен шешімдерді қабылдау үшін ақпараттандыру. Қосымша ақпаратты көру арқылы ғана емес, сондай-ақ есту, сезу және т. б. қоса алғанда, басқа да сезім мүшелерімен қабылдауға көмектеседі. Команданың өкілі - Зият Абдыкаимов.
- «E - петиция» - сәйкестендірілген дауыстарды жинау петициясына арналған ұлттық платформа (ЭЦҚ, Digital ID). Команданың өкілі - Айгүл Сексенбаева.
Ұйымдастырушылар (қоғамдық ұйымдар мен бейіндік ведомстволар) жобалардың іске асырылуын қадағалап, консалтингтік қолдау көрсететін болады. Қазылар алқасы мүшелерінің бірі - ҚР Цифрлық даму, инновация және аэроғарыш өнеркәсібі министрлігінің (қысқартып алғанда – ЦДИАӨМ) Ақпараттық қауіпсіздік жөніндегі комитеті төрағасының орынбасары Талгат Мустагулов атап өткендей, олар цифрландыруға бағытталған жобалар үшін қашанда ашық.
