Редакция янындагы Чепья чатында машиналар еш бәрелешә. Бәрелгән тавышка йөрәкләр кысылып куя, җиңелчә генә микән, кешеләргә зыян килмәгәнме, дип борчыласың.
Сихерле җир булды бу тәмам, дип куясың. Сихере инде аның шунда, чатка борылганда, я чаттан чыкканда юл йөрү кагыйдәләрен тиешенчә үтәп бетермәү. Бүгенге һәлакәтне юл хәрәкәте иминлеге инспекторлары ачыклап бетерер, анысы. Хөрмәтле райондашлар, ямьле көннәрдә дә машиналарда хәвефсез йөрик, үзебезне һәм якын-тирәдәгеләребезне саклыйк. Аз гына бәрелүдән дә сәламәтлеккә зыян килеп калырга мөмкин бит. Һәрбер шоферга, юлчыга имин юллар насыйп булсын!