Ці так важна ведаць назвы ўсіх ангельскіх літар і іх парадак у альфабэце ці можна абысьціся без гэтага?
Давайце паглядзім, для чаго можа спатрэбіцца веданьне альфабэту.
Спэлінг — пісаць ці прамаўляць слова па літарах
Каб прадыктаваць сваё імя, прозьвішча, электронны адрас і іншую падобную інфармацыю па літарах.
Чалавек, які размаўляе на іншай мове, не заўсёды можа на слых зразумець, як пішацца ваша прозьвішча. Спэлінг (дыктоўка па літарах) — гэта тое, з чым вы амаль напэўна сутыкнецеся на ресепшене гасьцініцы альбо пры працаўладкаваньні за мяжой. Калі вы будзеце выкарыстоўваць выразы тыпу ”эс як даляр” ці ”у як і маскальскае”, то пасьля гэтага вас будзе ўжо вельмі складана ўспрымаць як адукаванага чалавека.
Слоўнікі, каталёгі, архівы
Нягледзячы на тое, што зараз большасьць інфармацыі камп’ютэрызавана, усё роўна можа ўзьнікнуць неабходнасьць скарыстацца папяровым слоўнікам альбо архівам.
Абрэвіятуры
У ангельскай мове ёсьць шмат абрэвіятур, якія чытаюцца па літарах, так, як яны называюцца ў альфабэце. Напрыклад, FBІ (Эф-Бі-Ай), NYPD (Эн-Уай-Пі-Дзі), LA (Эл-Эй) і многія іншыя.
Нумарацыя
Ангельская альфабэт часта выкарыстоўваецца для нумарацыі. Напрыклад, сэктары трыбун альбо параграфы ў падручніку часта могуць быць пранумараваны літарамі ангельскага альфабэту.
Ангельскі альфабэт
Як бачыце, веданьне альфабэту ня будзе непатрэбным. Таму давайце яго вывучым! Знаёмцеся, ангельская альфабэт:
Апошняя літара Z у брытанскім варыянце вымаўляецца як [zed], а ў амэрыканскім як [zіː].
Зьвярніце ўвагу на падобныя літары, якія часта блытаюць:
A, E, I — эй, і, ай
C, S — сі, эс
G, J — джы, джей
U, Y — ю, уай
Таксама вам спатрэбяцца некаторыя сымбалі, якія сустракаюцца ў электронных адрасах, адрасах сайтаў і інш.:
@ at [æt] — сьлімак
. dot [dɔt] — кропка
, comma ['kɔmə] — коска
- dash [dæʃ] — злучок
_ underscore [ˌʌndə'skɔː] — ніжняе падкрэсьліваньне
: colon ['kəulɔn] — двукроп'е
; semi-colon [ˌsemɪ'kəulən] — кропка з коскай
/ forward slash ['fɔːwəd slæʃ] — касая рыса, ці прамы слэш
# hashtag [hæʃ'tæg] — краткі
Цяпер вы ведаеце, што E-maіl чытаецца як і-мэйл, а не э-мэйл)
Патрэнуемся?
Can you spell your full name?
And e-mail?
How do you spell these words?
English
Philosophical
Incomprehensibilities
Pneumonoultramicroscopicsilicovolcanoconiosis
CNN
NBC
Ну й напрыканцы прапаную вашай увазе запальную песьню, якая засядзе ў вас у галовах і падніме настрой))
На гэтым усё. Стаўце падабайкі, падпісвайцеся на канал, каб не прапусьціць карысныя артыкулы.