Җиңүнең 75 еллыгы уңаеннан, район китапханәләре арасында уздырылучы "Сугыш көйдергән юллар..." дип аталган әдәби-музыкаль бәйгедә Шода авылы китапханәсе “Кирәкми безгә сугыш” дигән видео белән катнаша.
Бәйгегә дип махсус әзерләнгән “Кирәкми безгә сугыш” дигән видеода бүгенге көн тормышы да, элеккеге чорлар да урын алган. Сугыш чоры күренешләре исә “Мирхәйдәр Фәйзи музее”нда һәм утар ишегалдында төшерелгән.
Искиткеч тирән эчтәлекле, мәгьнәле, уйландыра, елата торган бу видео. Актерларның, видеоны әзерләүчеләрнең, идея авторының, сценария язучының бер дулкында эшләве күренеп тора.