Татарстан мөслимәләренең “Ихлас” иҗтимагый оешмасы үз каршында хәйрия фонды ачты. Бу фондның төп максаты – МИЛЛӘТНЕҢ ТУКАЙ БҮЛӘГЕН булдыру һәм аны үзенең иҗаты белән милләтебезгә зур хезмәт күрсәткән шәхесләргә тапшыру. Халык фикеренә таянып, “Ихлас” мөслимәләр оешмасы быелгы Тукай бүләген танылган язучы, тарихчы, җәмәгать эшлеклсе ФӘҮЗИЯ БӘЙРӘМОВАГА бирергә, дигән карарга килде.
Фәүзия Бәйрәмова – иллегә якын китап авторы, милләтебезнең бөек һәм фаҗигале тарихын әдәби әсәрләре һәм фәнни хезмәтләре аша татар халкына кире кайтарган талантлы язучы. Аның “Кырык сырт”, “Караболак”, “Соңгы намаз”, “Баһадиршах”, “Күчем хан”, “Һиҗрәт”, “Гөләйза” һәм башка әсәрләре татар әдәбиятының алтын фондын тәшкил итә.
Фәүзия Бәйрәмова – милли азатлык көрәшчесе, узган гасырның 90-нчы елларында Татастанга суверенитет яулап алучыларның иң күренеклесе. Татар халкының бәхете һәм бәйсезлеге хакына мәйданнарда ач яткан, мәхкәмәләр аша узган, әмма үз кыйбласына ахыргача тугры калган фидакарь шәхес!
Фәүзия Бәйрәмова – татарлар яшәгән барлык төбәкләрдә булып Сахалиннан - Салехардкача, Алтайдан - Уралгача, Кавказдан - Кырымгача араларда йөреп, халкыбызның тарихын һәм тормышын китапларында теркәп калдырган милләт елъязмачысы ул! Аның хезмәтләре халкыбызның тарихи хәтерен сакларга, милли үзаңын үстерергә, милләт буларак сакланып калырга ярдәм итә.
Фәүзия Бәйрәмова – милләтнең ак яулыклы догачысы. Халкыбыз өчен өзгәләнеп, аның бәхете өчен гомерен багышлаган якты шәхес. Аллаһ насыйп итсә, быел аңа 70 яшь тула. Милләтебез исеменнән аның гомер бәйрәменә шушы олуг бүләкне – Тукай бүләген Фәүзия Бәйрәмовага тапшыру изге гамәл булып тора.
Бу эшкә катнашырга һәм милләтнең Тукай бүләгенә Фәүзия Бәйрәмова өчен акча күчерергә теләүчеләргә исәп-хисап номерыбыз:
БИК 049205603
Наименование банка ПАО Сбербанк
Корреспондентский счет 30101810600000000603
Расчетный счет 40703810562000003486
Наименование получателя РЕГИОНАЛЬНАЯ ОБЩЕСТВЕННАЯ ОРГАНИЗАЦИЯ МУСУЛЬМАНОК РЕСПУБЛИКИ ТАТАРСТАН "ИХЛАС" ("ИСКРЕННОСТЬ")
ИНН получателя 1644001781
Отделение банка г. Альметьевск, ул. Ленина, 122