Үҙ проблемаларыма күмелеп , күҙгә аҡ ҡара күренмәй йөрөгәндә,әҙерәк кенә интернетҡа инмәй торғайным ,бөтә донья шау гөр килә имеш.
Сибайҙан бер ҡатын смс ебәрә лә ебәрә.Анау бер ҡара вирус килә тейме шунда.Миңә тимәһә йәшел вирус килһен тип әрләргә булдым баяғыны.Өлгөрмәнем.Заблокировать итеп тә ҡуйғандар үҙен.
Бәләкәй саҡта донья бөтә тип һүҙ таралғаны иҫтә ҡалған. Ныҡ ҡурҡа һәм ҡайғыра торғайным.Ләкин , донья бөтмәне.Аллаға шөкөр итәйек.
Әллә ниндәй имеш мимештәр күп булды бит.Бер йылды Ахырызаманды нисек ҡурҡып көттөк.Унан һуң Чупакабранан ҡурҡып кистәрен өйҙән сыҡмай яттыҡ.
Хәҙер инде , быныһы килеп сыҡҡан.
Ҡуйығыҙсәле ! Юҡ менән булмағыҙ.
Уҡыу йорттары , мәктәптәр ябылған карантинға тиҙәр.Уфалағы ҡыҙыма шылтыратам.
- Нусик,(Нурсилә) һеҙҙә лә колледжды яптылармы ул ?
- Нишләп япһындар ти , ҡыҙым аптырай.
- Һуң ,ауырыу таралған түгелме ?
- Әсәй , ҡуйсәле.
Ҡыҙым төндә ресторанда эшләй.
- Ә эштә нисек ?
- Нимә нисек ?
- Маска кейәһегеҙме ?
- Мамии , альяма әле. Кем беҙгә маска кейҙерһен ти бында.Эштә түгел урамда ла маскалы кешене осратҡаным юҡ.Бөтә нәмә үҙ урынында , элек.кесә.
Ауырыуы ауырыу.Магазиндарҙан тоҡлап запас аҙыҡ ташыуҙары ла көлкө лә түгел. Запаслы булыу эсте тишмәй инде ул.Мәҫәлән , ун тоҡ тоҙ ятһа келәттә., ун тоҡ шәкәр ,шулай уҡ рис һәм ҡарабойҙай. Әллә нисә йыл магазинға сыҡмаҫҡа булалыр. Тик ул ярмалар ҡортлап бөтмәһә ярар ҙа ул.Шуны уйлап ятам әле.Ахырызаман көткәндә пачкалап алған майшәмдәрҙе ҡайҙа иттеләр икән кешеләр ?
Был тормош ҡыҙыҡ икән.Бер нимәһе бөтһә , икенсе бер нимә килеп сығып тора. Йөрәкте бөтөрөп , нервы туҙҙырып юҡ менән ҡаңғырмайыҡсы тип әйткем килә. Уны түгел мин үҙ ауырыуымды ла уйламайым әле. Йәшерә торған булһа йәшереп йөрөр инем.Аҫҡап туҡһап йөрөүҙе йәшереп булмай бит, күренеп тора. Бөтәһе лә яҡшы булырына ышанып , Хоҙайға тапшырып йәшәп тик ятам. Операцияға ваҡыт яҡынлашҡан һайын , күңелдең төпкөлөндә әҙерәк ҡурҡыу хисе ярала биреп ҡуя ул.Тик мин ул хисте үрләтмәҫкә тырышам.Минең көндәрем генә түгел, сәғәт минуттарым планлаштырылған.Ҡайһы ваҡытта һәм ниндәй сәғәттә нимә эшләргә,ҡайҙа барырға.Нимәләр әҙерләргә һб. Өфөләге дуҫтарым да көтөп торалар.Бер кис Өфө ҡыҙырырға ла иҫәп тотам әлеул.
Ауырыйым тиһәң , ысын ауырыуҙан баш сыҡмай. Арыным тиһәң арып тик ятаһың.Йыванам тиһәң ,ысын йывандыра.Ҡыйын тиһәң ,ысын ҡыйын була бит ул.
Аяғым һыҙлай тип илап ятһам күптән ятыр инем.Мин йөрөргә тырышам,хәлемдән килгәнде лә килмәгәнде лә эшләп маташам.Ҡайһы саҡта тәгәрәп китке килеп китә ул.Ләкин позитив уйҙар һәр саҡ өҫтөнлөк ала. Юҡсы.Нишләп мин йығылырға тейеш әле ул ? Ошондай матур тормоштан кем туйған.Йәшәйһе килә әле.
Әллә ҡайҙағы ҡырым Ҡытайҙағы ауырыуҙы көҫәп ултырғансы , бөгөнгө тормош менән йәшәр кәрәк.Килмәйәсәк тә,етмәйәсәк тә ул нимә беҙгә. Һау булайыҡтар ,бар булайыҡтар. Юҡ барға көймәйектәр.
Ул тиклем магазиндарҙы ҡоротмағыҙсәле.Он да юҡ,тоҙ ҙа юҡ,шәкәр ҙә бөткән.Иртәгә баҙарға мин икмәк бешерә алманым.Ҡарышҡан шикелле өйҙә лә он да ,тоҙ ҙа шәкәр ҙә бөткән.Заказдарымды үтәрлек кенә он ҡалған.Шулай ахырызаман көткәндә лә,өйҙә тоҙ бөткән ине.Ауыл буйлап өй беренсә йөрөп тоҙ эҙләгәйнем.Тоҙһоҙ ашарға бешереп булмай ҙа баһа.
Илебеҙ тыныс ,күгебеҙ аяҙ һәм халыҡ имен һау булһын. Йөрәктәрҙе ҡурҡыу , борсолоуҙар биләмәһен. Күңел күгебеҙ ҙә һәр саҡ аяҙ һәм ҡояшлы булһын.
Миңзифа Ҡашҡарова.