«Зинһар,әти,кермә төшләремә» - Максудова А.М.

Зинһар,әти,кермә төшләремә. 

Зинһар,әти,кермә төшләремә,

Күрергә дә сине зарыксам.

Рәсемеңне алып карыйм һәр көн,

Күңелемне шулай җылытам.

Зинһар,әти,кермә төшләремә,

Хәбәр итмә борчу-хәсрәтне,

Тыныч йокла,изге догаларым,

Шат кылсыннар синең җаныңны.

Сагынсам да,юксынсам да сине

Кышкы салкын ачы җилләрдә.

Җылытырлар мине гамәлләрең,

Ышыкларлар челлә җәйләрдә.