«Теләк» - татар телендә шигырь, автор Максудова А.М.

Теләк

Мин бәхетсез диеп зарланма син,

Үлчәп сөйлә һәрбер сүзеңне.

Мин бәхетле диеп кабатла син,

Ходай күрсен ризалыгыңны.

Аяк-кулың,күзең-башың исән,

Җир җимертеп эшләп йөрисең.

Тормыштагы авырлыкны исә

Чын бәхетсезлеккә саныйсың.

Бәхетсезлек ни дип сорасалар,

Саулык югалтуда диярсез,

Бәхетсезлек менә шунда була,

Тазалыкны саклый күрегез.