26-желтоқсаннан бастап еліміздің үлкен экранына Нұрлан Қоянбаевтің "Бизнес по-казахски в Корее" киносы жол тартқан болатын. Осы кино туралы ӨЗ ОЙЫМ.
Осыған дейін Америка және Африкада қазақ кинематографиясының туын тіккен Нұрлан, осы жолы аттың басын Кореяға бұрды. Өте сәтті шыққан 1-бөлімнен соң "қазақша бизнесті" тағы да созып, қазіргі таңда отандық кинотеатрларда ақша түсірімі жөнінде голивудтық "Мстители: Финал" және "Король лев" фильмдерінен кейін 1 млрд 19 млн теңге жинап, әзірше 3-орында келе жатыр. Фильм басқа да қазақша әзіл-фильмдері секілді отбасылық жанрда түсіріліп, жеңіл әзілдерге негізделген. Осы жайында толығырақ тоқталар болсақ:
Кино - нағыз дем алуға баратын кино десем келісетін шығарсыздар. Отбасыңызбен бірге, күйбелең тіршіліктен ой жазып, сергіп алуға арналған таптырмас дүние. Бұл міндетті Нұрлан тамаша орындады деп ойлаймын.
Актерлер шеберлік
Актерлер жоғары дәрежеде өз рөлдерін ойнап шықты. Жомарт пен Айсұлу және Ален мен Мақпалдың махаббат хикаялар тамаша жалғастырылған. Сонау бірінші бөлімнен басталған махаббаттың әр фильмде қалай өрбігені тек маған ғана емес, халыққа қызықты болды деп ойлаймын. Осы кезекте актерлерге мін тағу қисынсыз.
Музыка
Тамаша музыкалық сүйемелдеу. Алдыңғы бөлімдердегі кемшіліктердің бірімен жұмыс жасағанын байқауға болады. Хит музыка + жақсы киноның=шедевр. Осы формулаға жүгінген кинолар көрерменнің есінде ұзаққа сақталары хақ. 1,2,3-бөлімдерде есіңізде қандай музыка қалды? Ал 4-бөлімде ше? Әрине бизнес Кореяда болғандықтан, 91-сыз боламайды. Жомарт пен Аленнің аэропорттағы "тағыма отыр" мен жүріп келе жатқанын барлық адамдардың инста стористерінен жаулап алды. Солай емес пе?!
Сценарий
Киноның ең басты кемшілігі. Еркош жоғалады, Жомарт пен Ален оны құтқарамын деп түрлі шытырман оқиғаларды басынан өткізеді. 1-бөлімнен басқасының барлығы бір ғана сценриймен жасалған іспеттес. Олай болмайды Нұрлан аға. Халыққа жаңа дүние керек. Тек локацияны алмастырып, бір дүниені ұсына беру...
Кино түсірілмес бұрын, Нұрлан Қоянбаев өз инста парақшасында үздік сценрийге конкурс жариялаған болатын. Халық оқиғалардың көптеген өрбу жолдарын жарыса жаза бастады. Ішінде шынымен керемет сценарийлерде кездесіп отырды. Солардың бірін қолданар десем, олай болмай шықты. Әзілдер де баяғыдай өзіме өткен жоқ. Кейбір моменттерде ғана ішек-сілем қатып бір-екі рет күліп алдым. Комедия жанрында болғандықтан осы тұста әлсіз екені айтпасақта түсінікті шығар.
Еркош
Жалпы осы франшизаның жұлдызына айналған Еркош туралы бірдеңе алып-қосу артық шығар деп ойлаймын. Халық киноға Еркош үшін барады десем де жансақ емес. Қазақша бизнестік барлығын Еркош өз арқасында алып шықты. Оның харизмасы, актерлік шеберлігі, юмористтік бет-әлпеті барлығы, барлығы образын одан сайын аша түсіп, сөзсіз,Рамазанды қазақ кинемотографиясына танытқан жұлдызды рөлдердің біріне айналдырды.
Түйін
Отбасылық кұндылықты, туған елге деген махаббатты дәріптеу - осы франшизаның басты плюсі десем артық емес шығар. Шет елде жүрген қандастарымыздың жүрегін елең еткізетіндей барша қазақтың жүрегінен орын алды.
Қорыта келгенде, егер отбасыңызбен көруге кино таңдай алмай жатырсаңыз бұл кино сөзсіз сізге тамаша кеш сыйлайды. Көруге кеңес беремін және басқаларға да айта жүріңіздер. 10 балдық шкаладан 7 балды беремін. Егер киноға жоғары планканы талап етпесеңіз, жаман емес дүние ғой.
Маған тіркеліңіздер, алдағы уақытта көптеген киноларды талқылап, жақсы шолулар жасаймыз.