"Milan" 120 il bundan öncə doğuldu. İnsan həyatında olduğu kimi "rossonerilərin" bu illər ərzində sevincli və təssüfləndiyi dönəmlərdə olub. Mənim bəxtim gətirib, belə ki, klubun tarixinin ən yaxşı dönəmində orada oldum. Silvio Berlsukoni "Milan"ı təzə almışdı və nəhəng planları var idi. Onun düşüncələrinə daxil olmayan hər şeyi O özündən kənarlaşdırırdı. O deyirdi ki, - "Biz dünyanın ən yaxşı komandası olmalıyıq".
"Milan" 20 il idi ki, Çempionlar kubokunu, 9 il isə İtaliya çempionu olmurdu. Amma Berluskoni üçün Serie A çempionluğu kiçik bir şey idi. Qələbələr tezliklə gəlmədi. Silvio "Monza"nın keçmiş vitse-prezidenti Qallini'ni çağırdı ki, bütün işləri səhmana salsın. Yığmanın 5 futbolçusunu transfer etdi: Ciovanni Qalli, Massaro, Bonetti, Qalderizi və Donadoni ilk İtaliya kuboku oyununda azarkeşlərə təqdim olundu. Rəqib C Seriyasının qalibi gənc komanda "Parma" idi. Onları mən çalışdırırdım. Biz Fontolananın yeganə qolu sayəsində 1-0 hesabı ilə layiqli qələbə qazandıq. Berluskoni məni daha da yaxşı tanımaq istəyirdi.
B Seriyasında liderlik üçün mübarizə aparırdıq. Kubokda növbəti oyun və bu dəfə də San Siro'da 1-0 hesabı ilə qələbə qazandıq. "Parma"da isə bərabərlik və "Milan" turnirdən kənar qalır. Çempionatda "rossonerilər" beşinci olur, Berluskoni tənqidlərə başlayır. Silvio məni komandaya çağırır. Onun cəsarətinə heyran qalmışdım və heç bir şərtsiz təklifini qəbul etdim. "O ya dahi idi, ya da dəli", - "Milan" rəhbərliyində onun üçün belə deyirdilər. Qalliani - böyük menecer idi. O müqavilədə "Parma"da aldığımdan aşağı məbləğdə məvacib yazmışdı. Amma pulun heç bir mahiyyəti yox idi, mənim əsas məqsədim gözəl oyun idi. Mənim bəxtim gətirmişdi. Mən gözəl və diqtə etməklə futbol göstərib qələbə qazanmağın nə olduğunu anlayan prezidentin komandasında idim. O deyirdi: "qələbə qazanmaq, inandırmaq və əyləndirmək". Bizim baxışlarımız maksimum bir-birinə uyğun idi. Berluskoni və Qallianisiz mən bu uğurlara nail ola bilməzdim. Dəqiq məqsədlər olmadan böyük komanda mümkün deyil. Klubda komanda, komandada isə ayrıca futbolçular çox vacibdir.
Biz etibar edə biləcəyimiz güclü xarakter və ambisiyalara sahib adamları komandaya çağırdıq. Onların xarakteri futbolçular kimi mənim ideyalarıma uyğun olmalı idi. Onların hamısı komanda üçün çalışır, ssenari üzrə hərəkət edir və vahid məqsəd üçün çalışırdılar. Dramaturq Bertold Brext deyirdi: "Ssenarisiz ancaq improvizasiya və zəmanətsizlik mövcuddur". Bizdə ağıllı insanlar toplaşmışdı, biz bir yerdə inkişaf edib, böyüyürdük. İnanılmaz nəticələrə nail olurduq. Biz heç xəyal belə edə bilməzdik ki, bu cür gözəl və uğurlu ola biləcəyik. Hətta prezident təccüb içindi idi, hərçənd onu təccübləndirmək asan deyildi.
World Soccer, France Football, So Foot və UEFA 1989-cu ildə "Milan"ı tarixin ən yaxşı komandası elan etmişdilər. Bundan sonra komanda başqa güclü məşqçilərin başçılığı altında qələbələr davam etdi: Kapello, Ançelotti, Zakeroni, Alleqri. Ümid edirəm yeni rəhbərlik "Milan"ı yüksək səviyyəyə qaytara biləcək. Mən Paolo Maldini və Zvonimir Bobana inanıram. Uğurlar sənə, qədim əziz "Milan".
P.S. Bizə dəstək olan bütün azarkeşlərimizə minnətdaram və bunu indi də etmələrini onlardan xahiş edirəm.