Ноокат районунун Көк-Жар айыл өкмөтүндөгү төрөт үйү толугу менен капиталдык оңдоо иштери бүттү. Кызыгы, төрөт үйүнүн бул оңдоо иштерине кеткен чыгымдарды – жалпысынан 5 миллион сомду бир үй-бүлө – Азимжан Баатыров аттуу жергиликтүү аксакал уулдары менен биргеликте көтөрүшкөн. Ага кошумча кайрадан ачылуу аземине “Тез жардам” автоунаасын белекке тапшырышкан. Бул тууралуу бүгүн, 19-октябрда Жогорку Кеңештин депутаты Төрөбай Зулпукаров соцтармактагы өзүнүн баракчасына сүрөттөрү менен бирге жарыялады.
“Ноокат районунун Көк-Жар айыл өкмөтүндөгү төрөт үйү толугу менен капиталдык оңдоо иштери бүттү. Жалпы оңдоо иштери жана ичиндеги жабдыктарына 5 000 000 сом акча каражатын Баатыров Азимжан аксакалдын үй-бүлөсү Меражидин Азимжанович баш болгон уулдары менен биргеликте каржылады. Ачылыш аземине “Тез жардам” автоунаасын белекке тапшырды. Ар бир Ата-Эне элине кызмат кылган уул-кыздарынын жакшылыктарын көрсүн! Оомийин!”, - деп жазат анда депутат.
Биздин каналга ПОДПИСАТЬСЯ болунуздар шилтеме аркылуу: https://zen.yandex.ru/id/5d9b9416b477bf00ade36e65
Булак: NazarNews.kg