Бүген Балтачның «Сабантуй» ял паркында мөмкинлеге чикләнгән кешеләр өчен Сабантуй узды.
Әлеге бәйрәмгә районның барлык авылларыннан һәм бистәдән инвалидлар җыйналган иде. Һәрбер килгән кешене чәй өстәле көтеп тора иде. Алар төрле уеннарда, ярышларда актив катнаштылар, сәхнәгә менеп үзләре яраткан җырлар җырладылар, биеделәр. Район башкарма комитеты урынбасары Илһам Гайнетдинов барлык инвалидларны сәламләп, аларга сәламәтлек теләде, һәрвакыт шулай актив булганнары өчен рәхмәт сүзләре җиткерде.
Фоторепортажны тулысынча фотогалереяда карагыз.