Aziz bekajonlar e'tiboringizga quyuq taomlarga yanada tansiqlik bag'ishlovchi salatni taqdim etaman. Tez tayyorlanishi bilan vaqtingiz ziqligida sizga juda ham ma'qul keladi. O'ziga xos mazali salatni albatta sinab ko'ring!
Kerakli masalliqlar:
- 600 gramm tovuq go'shti filesi
- 250 gramm tuzlangan bodring
- 250 gramm selderey tanasi
- 300 gramm mazali javdari noni
- 4-5 osh qoshiq mayonez
- 2 osh qoshiq o'simlik yog'i
Tayyorlash usuli:
1. Tovuq go'shtini sovuq suvga cho'mdiring, qaynash darajasiga olib boring. Ajralgan ko'pikni qoshiqda terib, tuz soling va olovni paslating. Past olovda, qopqoqni yarim ochiq holda, 20 daqiqa qaynating. Pishgan go'shtni sovuting. Tovuq go'shti va bodringni somoncha shaklda to'rg'ang.
2. Shuningdek, seldereyni ham somoncha shaklda to'rg'ang va sitoga soling. Tuz solib, qaynatilgan suvda 3 daqiqa ushlab turing.
3. Javdari nonini bo'laklarga bo'ling. O'simlik yog'ida, tilla tusga kirgunga qadar 2-3 daqiqa davomida qovurib oling. Tayyorlangan masalliqlarni birlashtiring va mayonez bilan aralashtiring. Mazali non bo'laklarini salat bilan birga dasturxonga torting. Mazali salat tayyor!
Yoqimli ishtaxa!