Ortiqcha vaznga ega bo'lmaslik uchun nima iste'mol qilsam ekan? - degan ayollarga ajoyib salatni taqdim etaman. Birzumda tayyor bo'lishiga qaramay, juda ham mazali. Bekajonlar quyuq taomlarga qo'shimcha sifatida ushbu salatni tayyorlasangiz dasturxon davrasida barcha mamnun bo'lishi turgan gap.
Kerakli masalliqlar:
- 1/2 dona piyoz
- 1 osh qoshiq zaytun yoki o'simlik yog'i
- 300 gramm marinadlangan qo'ziqorin aralashmasi
- 2 dona pomidor
- 1 dona bulg'or qalampiri
- 1 bog' ukrop
Tayyorlash usuli:
1. Piyoz va bulg'or qalampirini tozalang. Bulg'or qalampirini somoncha, piyozni yarimhalqa qilib to'rg'ang. Pomidorni yumaloq shaklda kesing. Ukropni maydalab to'rg'ang. Sabzavotlarni salat idishida birlashtiring.
2. Marinadlangan qo'ziqorin sharbatidan 1 osh qoshiq olib qo'ying. Qo'ziqorinlarni esa sitoga soling. Katta qo'ziqorinlarni bo'laklarga bo'ling.
3. O'simlik yoki zaytun yog'ini qo'ziqorin sharbati bilan aralashtiring, ta'bga ko'ra tuz soling. Qo'ziqorinni sabzavotlar bilan birlashtiring, tayyorlangan zapravkani quying va aralashtiring. Ortiqcha kaloriyalarsiz kechki taom tayyor deb hisoblasangiz ham bo'ladi.
Yoqimli ishtaxa!