Самара өлкәсе Камышла районы 29 июнь көнне Бөтенрәсәй авыл Сабантуен кабул итте. Татар Конгрессы делегациясе составында безнеӊ районнан да вәкилләр катнашты.
Камышлар районында 12 меӊнән артык халык яши, шуныӊ 86 проценты татарлар. Район үзәге Камышла авылы, 4 меӊнән артык татар тора, 3 мәчет эшли. Бер урта мәктәп бар, татар теле факультатив буларак алып барыла.
Камышлы районы Татар Байтуганы авылында татар әлифбасы дәреслеген төзегән Сәләй Вагыйзов туган, бүгенге көндә музей эшли. Халкы бик ачык, сөйләмнәре безнекеннән әлләни артык аерылмый.
Татар булуларын яшермиләр, әмма урамда яшьләр арасында узара сөйләшү күбрәк рус телендә бара. 1000 тираж белән русча район газетасы нәшер ителә.
