Tovuq ko'kragi qo'shib tayyorlangan salatlar doimo katta talabga ega va ko'p kalloriyaga ega bo'lmaydi. Aziz bekajonlar e'tiboringizga shunday kam kalloriyali va vitaminlarga boy salat retseptini taqdim etaman. Salatning tayyorlanishi oddiy, hech qanday noyob masalliqlardan emas balki, oddiy hamyonbop masalliqlardan foydalanilgan. Retseptni saqlab qolishni unutmang!
Kerakli masalliqlar:
1/2 dona tovuq ko'kragi
1 dona bodring
1 dona pomidor
3-4 osh qoshiq makkajo'xxori konservasi
bir hovuch shampinon
1 dona limon
4-5 osh qoshiq tabiiy yogurt
2 dona shoxchadan petrushka va rayhon
ta'bga ko'ra tuz va murch
Tayyorlash usuli:
1. Birinchi navbatda salat uchun zapravkani tayyorlashga kirishing. Buning uchun: limon sharbatini siqib tabiiy yogurtga qo'shing. Ta'bga ko'ra tuz va murch solib aralashtiring. Qolgan masalliqlar tayyor bo'lgunga qadar chetda qoldiring.
2. Qaynatilgan tovuq ko'kragini kichik to'rtburchak shaklda to'rg'ang va tog'orachaga soling.
3. Makkajo'xori konservasini sharbatidan ajratib soling.
4. Mayda to'rg'algan ko'kat va bo'laklarga bo'lingan pomidorni tog'orachaga soling.
5. Bodringni to'rtburchak shaklda to'rg'ang.
6. Shampinonni yupqa, parrak shaklda to'rg'ang.
7. Bodring va shampinonni qolgan masalliqlar bilan uchrashtiring. Salat uchun tayyorlangan zapravkani soling va aralashtiring.
8. Mazali va vitaminlarga boy salatni darhol dasturxonga torting.
Yoqimli ishtaxa!