Brauni - amerikancha, bolajonlarning sevimli desertidan biri. Bekajonlar ushbu desertni bir bor sinab ko'rishingiz bilanoq tez-tez tayyorlashga odatlanasiz. Eng qizig'i shundaki, braunilarni tayyorlagan zahotingiz ular birzumda yo'qolib qolish hususiyatiga ham ega. Bunday ajoyib, barcha uchun ma'qul bo'luvchi desertni tayyorlash esa juda ham oson. Retseptni albatta sinab ko'ring!
Kerakli masalliqlar:
- 1 dona 120 grammli achchiq shokolad
- 70 gramm un
- 2 dona tuxum
- 100 gramm jigarang shakar
- 100 gramm saryog'
- 15-20 dona qoraolxo'ri qoqisi
- 1-2 osh qoshiq konyak yoki rom (ta'bga ko'ra)
Tayyorlash usuli:
1. Shokoladni bo'laklarga bo'ling, suv xammomida eritishga qo'ying. Saryog'ni birlashtiring.
2. Bir xil, yaltiroq massa hosil bo'lgunga qadar aralashtiring.
3. Tuxum va shakarni birlashtiring. Oppoq ko'pik holigacha ko'pirtiring.
4. Olxo'rini qaynoq suvda, 10 daqiqaga uyutib qo'ying. So'ng, suvdan siqib oling, konyak yoki romga uyutib qo'ying. Ko'pirtirilgan tuxumli massaga un va shokoladni birlashtiring. Biroz ko'pirtiring. Olxo'rini bir necha bo'laklarga bo'ling va tayyorlangan xamirga soling.
5. Pishirish qolipini saryog' bilan surting. Kakao kukuni yoki un seping. Xamirni quying, tekislang va 180 darajada qizdirilgan pechda, 25-35 daqiqa davomida pishiring.
6. Tayyor brauni ustki qismi qarsildoq, ichki qismi o'zining namligini yo'qotmagan holda tayyor bo'ladi. Desertni pishirish qolipida biroz sovuting, so'ng bo'laklarga bo'ling.
Yoqimli ishtaxa!