Lavlagi - eng foydali va vitaminlarga boy sabzavotlardan biri hisoblanadi. E'tiboringizga esa shu kabi mazali va vitaminlarga boy, tez tayyorlanadigan salat retseptini taqdim etaman. Ushbu salat ortiqcha vazndan halos bo'lishni istagan kishilar uchun ham ajoyib tanlov. Bekajonlar ushbu salat sizga va yaqinlaringizga manzur bo'ladi degan umiddaman.
Kerakli masalliqlar:
- 200 gramm lavlagi
- 2 gramm tuz, 1 gr murch
- 10 gramm asla
- 10 gramm sharob sirkasi
- 20 gramm zaytun yog'i
- 1 gramm yalpiz
- 10 gramm yong'oq
- 1-2 osh qoshiq tabiiy yogurt
Tayyorlash usuli:
1. Lavlagini butunlay tayyor bo'lgunga qadar suvda pishiring. Sovuting, tozalang va o'rta hajmda bo'laklarga bo'ling.
2. Lavlagi bo'laklarini tog'orachaga soling. Tuz, murch, asal, sirka va zaytun yog'ini lavlagi bilan birlashtiring.
3. Yaxshilab aralashtiring va ushbu marinadda 30-40 daqiqaga qoldiring.
4. Belgilangan vaqt o'tib, salat dasturxonga tortiladigan laganga halqa qolipini qo'ying. Marinadlangan lavlagini halqa ichiga soling.
5. Lavlagi ustiga yogurtni soling.
6. Qolgan marinad qismini quying. Salatga yanada ishtaxa ocharlik bag'ishlash uchun yalpiz bargi va maydalangan yong'oq bilan bezating. Extiyotkorlik bilan halqani yeching. Salat tayyor!
Yoqimli ishtaxa!
